غادة عادل: مش عاوزة ولادي يعيشوا زيي

FilFan

FilFan تاريخ النشر: الاثنين، 27 ديسمبر، 2021 | آخر تحديث:

غادة عادل

أوضحت الفنانة غادة عادل، خلال حوارها مع زوجها السابق المخرج مجدي الهواري في برنامج "بصراحة مع" المذاع عبر قناة MBC1، أنها تستخدم أسلوب إعطاء الحرية لأولادها بسبب الطريقة التي نشأت بها في بيت أهلها، وأيضا طبيعة العلاقة بينهما خلال فترة زواجهما.

‎‎

وقالت غادة عادل لمجدي الهواري: "إنت شايفني بعمل إيه مع الولاد؟ إديتهم حرية مطلقة. بحس إن الكبت والحماية الزايدة مش بتساعد البني آدم يعرف يتصرف في حياته. مش عايزاهم يعيشوا زيي، أبويا كان قافل عليا ومجدي كان قافل عليا."

وسألت غادة عادل مجدي الهواري "شايف شخصيتي الأول أحسن ولا دلوقتي أحسن؟" وعقبت على رده قائلة: "ليه معرفتش الحياة وأنا معاك؟ كان ممكن تجربني في الحياة، إزاي هتعامل وأواجه الناس وأتعامل في شغلي."

وأضافت: "إنت كنت فعلا بتعاملني كإني مريم بنتك، وأنا عشت كده عند أهلي، عايزة أعيش ست عندي شخصيتي وحياتي وصحابي."

وأشار مجدي الهواري إلى أنهما تزوجا في سن صغيرة قائلا: "إحنا إتجوزنا صغيرين جدا في عمر ولادنا دلوقتي. وأنا دلوقتي أنصح ابني من خبرتي ميتجوزش صغير."

وأضاف: "مش معنى كده إن جوازنا منجحش. دي قصة حب وزواج ناجحة جدا، بدليل إننا قعدنا 20 سنة وأنتجنا من العلاقة دي أطفال."

لا يفوتك- رانيا يوسف عن دورها في "المماليك": شخصية وصولية ممكن تدوس على أي حاجة علشان توصل لأهدافها