حل المطرب شادي شامل ضيفا على الإعلامية راغدة شلهوب في برنامج "نص الكلام" المذاع عبر قناة النهار، وتحدث عن أزمة أغنية "يا معود قلبي" مع الشاعر تامر حسين.
بدأت الأزمة بمنشور كتبه شادي شامل في مايو الماضي، بعدما حذف موقع الفيديوهات YouTube أغنيته الجديدة "يا معود قلبي"، وأوضح أن تامر حسين وراء حذف الأغنية وكتب: "تامر بيدعي إني ما إدتوش فلوس الأغنية مع إنه عاملي تنازل من سنتين على الأغنية في المصنفات الفنية ومختوم بختم الجمهورية وواخد أجره المادي الكامل".
وقال شادي شامل في البرنامج: "الموضوع ده خد أكبر من حجمه، هو جالي وأنا بسجل الأغنية، يبقى إزاي مش مقتنع بصوتي، وإزاي بينصحني إني لازم أصور الأغنية في حتة كذا وكذا."
وأضاف: "أنا اتظلمت ظلم بين في الموضوع ده، وهو عمل كده إرضاء لآخرين. أنا راجل بحترم القانون، والقانون أثبت أحقيتي في الأغنية. هل ينفع أكون عامل تنازل مكتوب عليه تم قبض المبلغ بالكامل وبعدين أقول مخدتش الفلوس؟"
وتابع:"الله يسامحه ويهديه، وربنا يديله على قد نيته. ليه الحرب دي؟ أنا مضايقتكش ومظلمتكش وإنت كنت مبارك الموضوع، وكنت بتيجي الأستوديو وتقول الله إيه الجمال ده."
وأكمل: "التنازل إتعمل في 2019، بعد التنازل الأغنية كانت معمولة لمطرب كبير، وبعدها المطرب مشكورا قال مش هقدر أعملها دلوقتي، وأصبت بالإحباط جدا لإني قعدت أشتغل فيها سنتين نغير اللحن. بعد ما عملتها جتلي مكالمة عايزين الأغنية تاني وأنا كنت نفذتها، طبعا أنا رفضت، فلما رفضت إزاي شادي يقول لأ."
وعن حقيقة قيام زوجته بإنتاج الأغنية قال: "دي حته من عنده، مفيش الكلام ده، أقسم بالله العظيم كل كلمة إتقالت افترا عليا وهختصمه يوم القيامة."
لا يفوتك: حلقة جديدة من برنامج «تحليل النعمات مع عمك البات» بيشرحلنا فيها أحمد نادر «المقامات الموسيقية»
اقرأ أيضا:
فنانة سورية تُهاجم حمو بيكا: أمّي ولا يصلح كفنان (فيديو)
غناء رنا سماحة داخل غرفة العمليات قبل ولادة طفلها (فيديو)
أزواج عاطلين عن العمل ومشكلات زوجية.. 4 تشابهات بين مسلسل "قواعد الطلاق ال45" و"ستات بيت المعادي"
محمد محي يطرح أحدث أغانيه "بتاع زمان" (فيديو)
حمل آبلكيشن FilFan ... و(عيش وسط النجوم)
جوجل بلاي| https://bit.ly/3c7eHNk
آب ستور| https://apple.co/3cc0hvm
هواوي آب جاليري| https://bit.ly/3wSqoRC