"ممكن تقصي شعرك زي شيرين؟" ليلى علوي وبشرى تجيبان

FilFan

FilFan تاريخ النشر: الثلاثاء، 14 ديسمبر، 2021 | آخر تحديث:

لا تزال الفنانة شيرين عبد الوهاب تتلقى عبارات الدعم من الفنانين والفنانات، بعد ظهورها حليقة الشعر في حفلها الغنائي بمهرجان "أم الإمارات" بأبوظبي، ولكن ما رأي الفنانات في حلق شعرهن بهذه الطريقة، وهل يمكن أن يقمن بنفس الخطوة؟

‎

الفنانة بشرى علقت على حلاقة شيرين، خلال مقابلة مع مراسل برنامج ET بالعربي، قائلة: "هي محتاجة جرأة وقوة، بس الأهم إحنا بنعمل ده ليه، لما تكون مؤمن بقضية معينة، وعايز ترفع شعار معين، وتقول للناس أنا بعمل حاجة غريبة برا المعتاد والمعقول."

‎

وأضافت: "الستات كلها بتغير في شكلها كل شوية، وأنا نفسيا لما أكون حاسة إني محتاجة تغيير بقص شعري أو بغير لونه، والقص دايما بيكون علامة على التمرد والرغبة في التغيير."

‎

وردا على سؤال "ممكن تقصي شعرك زي شيرين؟" أجابت: "إذا تطلب مني دور في فيلم من الأفلام فقط، بس لازم أكون ضامنة إني ماضية الفيلم اللي بعده علطول."

أما الفنانة ليلى علوي فوجهت رسالة لشيرين قالت فيها :"شيرين أنا بحبك قوي وبحييكي."

‎

وأضافت ردا على نفس السؤال: "في دور آه ممكن، لو لدور أنا مقتنعة بيه وبحبه."

وكشفت سلمى أبو ضيف عن رغبتها في القيام بنفس الخطوة قائلة: "حركة جريئة جدا، وأنا شايفة إن أي بنت في العالم لازم تعملها على الأقل مرة واحدة. نفسي أعمل كده ومستنية أتلكك وأعمله في دور. شيرين كده كده قمر في كل حاجة."

‎

أما ميساء مغربي فعلقت قائلة: "التفكير فعلا ممكن يخليك تتمرد وتقسو على شكلك وجسدك، وتعامله بطريقة غير مرضية للآخر مش لك. أنا قصيته بس مش لهذه الدرجة، مش حلو عليا."

‎

وكان لمهيرة عبد العزيز رأي مخالف فقالت: "أنا لأ، بس كل شيء ممكن، وبالعكس خطوة جريئة، ورأيي ما نحلل كتير وراء الخطوة، طالما هي سعيد ومبسوطة خلاص، أنا أدعمها وأتمنى لها كل التوفيق."

‎

لا يفوتك: نجوم على أبواب الطبيب النفسي .. فنانة حاولت الانتحار وأخرى اعترفت: أنا ملوثة