كشفت الفنانة شيرين رضا عن تفاصيل شخصيتها في فيلم "بنات رزق" قائلة أنه عمل كوميدي خفيف
نرشح لك: كيم كاردشيان وديمي لوفاتو ضمن حضور حفل زفاف باريس هيلتون
قالت رضا أثناء لقائها مع الإعلامية شيرين سليمان على صدى البلد "الفيلم لذيذ وانا بحب الكوميدي وبحب اتفرج على الكوميدي ونفسي اعمل كوميدي بس الناس حصرني في الدراما وزهقت ولما جالي بنات رزق قلت عايزة اعمل حاجة نهزر فيها"
وعن بداية التصوير أوضحت أن الموعد لم يتحدد بعد
أما عن تواجد شيرين رضا في رمضان 2022 أوضحت أنها تقرأ بعض السيناريوهات المعروضة عليها ولكنها لم تستقر بعد على عمل محدد كما أنها يجب أن تنهى جميع أعمالها قبل الاتفاق على عمل آخر
وعن خطوبة نور ابنتها قالت "أنا مش عاوزة اتجوز لكن مش هقول لبنتي متتجوزيش أنا عايزاها سعيدة في أي حاجة هي عايزاها، أنا مبخلفش بنت علشان انكد عليها فلازم ادعمها في أي حاجة هي عايزاها"
وردت شيرين رضا على سؤال شيرين سليمان عن إذا كانت تعتبر جمالها نعمة أم نقمة قالت رضا "الحمدالله دي حاجة حلوة من عند ربنا بس وانا صغيرة ابويا قالي انتي حلوة لما تكبري هيبقى عندك مشاكل فمينفعش تعتمدي على حاجة مش بأيدك"
وعن مساحيق التجميل "مش بحب أحط ميكيب بس دي حاجات بضطر أعملها"
وعن تجهيزات السجادة الحمراء قالت أنها تعتمد على أصدقائها ومن بينهم مديرة أعمالها
كما كشفت رضا أنها تملك العديد من القطط والكلاب ولا تستطيع حصرهم لأنها أضافت 12 قطة
وعن البطولات الجماعية قالت "احنا بنشتغل شغلانة لذيذة بتتعملي منها وكل لما العدد أكبر كل لما تتعلمي وانا بحب اتعلم حاجة كل يوم ومليون حاجة لو أقدر"
كما أنها أوضحت أنها إذا فقدت الشغف تجاه التمثيل سوف تعتزل
اقرأ ايضًا:
قبل عرضه بمهرجان القاهرة.. كل ما تريد معرفته عن فيلم "أبو صدام" لمحمد ممدوح
#شرطة_الموضة: نانسي عجرم بفستان ملون مختلف عن ذوقها المعتاد في "إكسبو دبي"