قال محمد حفظي منتج فيلم "ريش"، إن الجدل المثار منذ عرض فيلم "ريش"، ضمن فاعليات الدورة الخامسة لمهرجان الجونة السينمائي، مفتعل من بعض الصحفيين.
جاء ذلك خلال مداخلة هاتفية مع الإعلامي عمرو أديب في برنامج "الحكاية" على قناة MBC مصر، وكانت هذه تصريحات محمد حفظي في المداخلة، بعد الاستماع لرأي الفنان شريف منير، وسبب انسحابه مع عرض الفيلم الأول في الجونة:
- شريف منير صديق وفنان كبير بحترمه، وأكيد مش حزعل من أي حاجة قالها
- أستاذ شريف و ثلاث أو أربع فنانين خرجوا من الفيلم، وبعض الناس عملوا مشكلة كبيرة من مجرد اختلاف رأي، وناس حاولت تعمل بلبلة كبيرة
- 150 شخص من الجمهور العادي حضروا الفيلم في العرض الصباحي، وكان في إشادة كبيرة وتصفيق للفيلم، وفي الندوة ولا انتقاد، وحاجة صحية الفيلم يعجب ناس ولا يعجب ناس تانية
- عمر زهيري خلق عالم وتفاصيل الأماكن والشخصيات واختيار الممثلين، عالم مجرد من الزمان والمكان، والفيلم ممكن يكون في الستينات أو السبعينات وفي أي حتة.
- الكلام في الفيلم عن قضية إنسانية، واحدة بتعاني من قهر وتحاول تلاقي مخرج من الموضوع
- أكيد لو في فيلم مقتنع إنه يسيء لمصر مش حنتجه ولا حفكر أقرب منه
- لما فيلم زي ده يكسب جايزة في كان، إحنا بنحس بالفخر، والسينما المصرية هي اللي بتنتصر
- الفيلم كسب النهاردة جايزة من مهرجان كبير في الصين، مش الغرب بس
- رأيي الفني في جماليات كتير في الفيلم
- الموضوع بالنسبة لعمر مش سياسة، الموضوع فن وقضية إنسانية بيعبر عنها من خلال فيلم سينمائي
- لا أتوقع مشاكل للفيلم في العرض التجاري، الفيلم واخد موافقة الرقابة من أول السيناريو، والدولة أشادت بيه
- دكتورة إيناس عبد الدايم ووزارة الثقافة والمركز القومي للسينما كرومونا على إنجازنا، والتكريم لا يعني حبهم أو عدم حبهم للفيلم
- عمر عمل إنجاز يستاهل التكريم عليه، مش يبقى قاعد في قوضته قلقان ومتوتر بسبب حاجة مفتعلة من بعض الصحفيين، وهو حاسس إنه ارتكب جريمة
اقرأ أيضا
الفيلم خنقني ولا أفهم تكريمه من مهرجان كان..تصريحات شريف منير لـ عمرو أديب عن انسحابه من عرض "ريش"
نسرين طافش عن فيلم ريش: سودوي ويشبه لوحات غويا التشكيلية (صور)
هنا شيحة تكشف سر حبها للجونة: محدش بيغلس عليّ وبألبس مايوه زي ما أنا عايزة
قبلة مي الغيطي تفسد ماكياج شقيقتها ميار على السجادة الحمراء للجونة (فيديو)