علق الموزع أحمد عبد السلام على تصريحات الفنان عمرو مصطفى في برنامج "العرافة" والتي هاجم فيها كل من عمرو دياب وتامر حسني.
نرشح لك: من "خليك فاكرني" لـ "جامدة بس"... 43 لحنًا لعمرو مصطفى في مشوار الهضبة
قال عبد السلام في منشور له على حسابه الرسمي بموقع التواصل الاجتماعي Facebook " مكنتش حابب اتكلم عن حد من زمايلي في الوسط الفني، ولا ده أسلوبي، لكن كلام الملحن عمرو مصطفى، استفزني جدا، أولا تامر حسني فنان ناجح جدا ومجتهد جدا ويستاهل يكون نجم الجيل بفنه وأخلاقه، ده بالنسبة لتامر حسني"
أضاف أحمد عبد السلام في منشوره متهمًا عمرو مصطفى بأستغلال الهضبة من أجل الترويج لنفسه حيث قال " ثانيا، انت دايما بتستغل اسم عمرو دياب، في أي برنامج ليك عشان تعمل شو، وتروج لنفسك، مش فاهم مع أنه أكتر حد وقف جمبك وكان سبب رئيسي في اللي انت فيه دلوقتي.. وعلى فكرة بقى عمرو دياب ناجح من قبلك بكتير وبينجح دلوقتي من غيرك برضه، وكذلك حماقي والجسمي وكل النجوم اللي ذكرت أسماءهم... كفاية كده ومش هقولك غير كلمة واحدة ربنا يهديك وتركز في شغلك أحسن بدل ما تجيب في سيرة الناس».
يذكر أن عمرو مصطفى فتح النار على عمرو دياب أثناء حلوله ضيفًا على الإعلامية بسمة وهبه في برنامج "العرافة" وقال أنه السبب في شهرة عمرو دياب وأنه حصل على أجر خلال مشواره الفني مع عمرو دياب يساوي أجر إحياء فرحين، كما هاجم ايضًا تامر حسني وأشار أنه مازال في بداية طريقه.
اقرأ ايضًا:
نقل وفاء مكي إلى المستشفى بعد إصابتها بكورونا
ريما صاحبة فيديو "عطيات مش تيتو": تدربت كثيرا على مشهد التنمر حتى خرج بهذا الشكل