نفوس ضعيفة ومرضى ... أول تعليق من تامر عاشور على أزمة صورته مع مريضة السرطان

نهال ناصر

نهال ناصر تاريخ النشر: الثلاثاء، 27 أبريل، 2021 | آخر تحديث:

تامر عاشور والطفلة من إعلان مستشفى السرطان

رد الفنان تامر عاشور على الانتقادات التي وجهت له خلال الساعات الماضية بسبب صورة نشرها عبر صفحته الرسمية على Facebook من إعلان لصالح مستشفى أيادي المستقبل لأورام الأطفال مع تعليق "لا خدي أنتي أنا صايم يا فاطره بحبك".

وعبر صفحته على Facebook كتب: "صباح الخير - أنا طول حياتي ومشواري عمري ما اتريقت على حد سليم علشان اتريق على مريض حاش لله - واللي أخد كلامي تريقه على مريض نفوسهم ضعيفة وهم اللي مرضى بيفرقوا بين المريض والشخص الطبيعي. لو نزلت صورتي مع أي طفل "اللي هو غير مُكلف بالصيام " وقولتله ب أي طريقة "متشربش مياه قدامي يا فاطر " أو "خد دي يا فاطر أنا صايم" حد هيتكلم ؟ مستحيل علشان طفل طبيعي".

نرشح لك: مشهد يتسبب في اتهام شيماء سيف بالترويج للبيدوفيليا (فيديو)

وتابع "لكن المريض لاااااا منهزرش معاه زي الطبيعي علشان هو مريض ونفضل نقوله مريض مريض مريض ونحسسه بمرضه من تعاملاتنا، المرض الحقيقي هو التفرقة بين أطفالنا اللي بصحة جيدة ربنا يديهم كل الصحة وأطفالنا اللي ربنا اختارهم للمرض، المرض الحقيقي هو أن فكرة " المعايرة" جاتلك قبل 100 فكرة تانية ممكن تجيلك من جمال البنت وضحكها وبهجة الصورة".

وأكمل "وللأسف شوفت كمان حاجه غريبه جدا ناس كتير قوي محسوبين على "هامش هامش هامش المجال الفني " عمرهم ما شافو مني حاجه وحشه غير أني مباديهمش مواعيد لاقيتلهم تعليقات كأنهم ما صدقوا لاقولي غلطة وانصحهم "العمر بيجري حاولو تعملو حاجة لنفسكم أولى".

نرشح لك: نادية العراقية لـ"في الفن": جالي نزيف في عيني من قهرتي ومش هيرتاحوا إلا لما يدفنوني

واختتم كلامه: "البنت اللي في الصورة فضلت في حضني طول تصوير الإعلان وبحبها جدا جدا، ومتفقين أنا وهي على حاجات كتير قوي قوي هنعملها".

يشار إلى أن تامر عاشور قدم تتر مسلسل "ولاد ناس" الذي يعرض حاليا ضمن الموسم الدرامي في رمضان.

والأغنية كلمات دعاء عبد الوهاب وألحان تامر عاشور وتوزيع طارق مدكور الذي يعود لتوزيع تترات المسلسلات بعد غياب طويل عن تقديم تترات أعمال درامية.

ومسلسل "ولاد ناس" من إنتاج "سكوير ميديا" للمنتجين منى قطب وإبراهيم حمودة، وتأليف وإخراج هاني كمال، وبطولة نخبة من النجوم، أبرزهم أحمد وفيق، رانيا فريد شوقي، صبري فواز، بيومي فؤاد، إيهاب فهمي، لقاء سويدان، أحمد صيام، صفاء الطوخي، وآخرين.