الملخص- رانيا فريد شوقي في "واحد من الناس": سمير صبري كان بيشبهني بهند رستم ووالدتها: بنت سبعة ونزلت بإيديها

مروة لبيب

مروة لبيب تاريخ النشر: الأحد، 21 مارس، 2021 | آخر تحديث:

رانيا فريد شوقي

استضاف الإعلامي عمرو الليثي أسرة الراحل فريد شوقي زوجته السيدة سهير ترك وابنتيه عبير ورانيا فريد شوقي في حلقة خاصة من برنامج "واحد من الناس" بمناسبة الاحتفال بعيد الأم.

وفي السطور التالية نرصد لك أبرز تصريحات أسرة فريد شوقي في "واحد من الناس":

نرشح لك: تعرف على أبرز ضيوف برنامج رامز جلال لرمضان 2021

السيدة سهير ترك

-علاقة فريد شوقي كانت مميزة برانيا وعبير وكان يدللهما كثيرا.

-عبير كانت متفوقة في الدراسة أكتر من رانيا.

-رانيا وهي صغيرة جابت ملحق في العربي ولما جينا نسافر إسكندرية قلت لفريد نسافر إزاي ورانيا عندها مذاكرة، فقالي هنسافر وخد معانا المدرس حجز له في الفندق معانا".

-بمجرد ما يرجع فريد من التصوير يقعد مع بناته حتى لو نايمين.

-علاقة فريد كانت قوية بمحمود عبد العزيز وفاروق الفيشاوي وكانوا بيعتبروه أب ليهم.

-أنا وفريد اخترنا اسم رانيا، عبير يمكن ناهد اشتركت فيه، أختها الكبيرة. وستها الله يرحمها ما عجبهاش الاسم، وقالت لما ندلعها نقول لها إيه، عبّورة؟ ولفت الأيام وفعلا كنا نقول لها عبّورة."

-عبير كانت ولادتها أسهل مع إنها كانت الأولانية لكن رانيا بنت سبعة وكانت نازلة مش براسها بإيدها والدكتور عدلها وهي نازلة.

- رانيا كانت بتحلم من الطفولة تبقا ممثلة لكن والدها رفض واتعرض علينا تشارك والدها في فيلم "البؤساء".

-كان دورها في فيلم "البؤساء" طفلة وبتشيل مياه والجو كان برد وقتها، فـفريد رفض، وقال لأ انا مش عايز بنتي تتعذب.

رانيا فريد شوقي

-اتربيت في بيت فني 100% ودا كان بيسبب ليا المشاكل في شغلي أحيانا فكان والدها الممثل والمنتج والمؤلف فريد شوقي.

-بيت والدي كان مفتوح 24 ساعة لكل الناس والفنانين فقررت أنا وأختي عبير كتابة ورقة على باب البيت مكتوب فيها (هذا المنزل متاح 24 ساعة).

-تعلمت من أمي الحكمة وهي مش غيورة رغم أنها زوجة فريد شوقي لكنها كانت محققة ليه المعادلة الهامة في حياته استقرار وانتظام البيت بدون ما يشعر بشئ علشان ينجح وكان فريد شوقى بالنسبة ليها رقم واحد وكان لما يسافر تجيب خالتي تقعد معانا علشان تسافر معاه وتراعيه.

-كنت شقية جدا وأنا صغيرة، وكنت أتفق مع والدي لعمل مقالب في عمتي وبشتري ماسكات علشان نخوفها.

-كنت جبانة جداً وعلى طول بنام في السرير مع عبير علشان بخاف، وسرى دايما كان مع ماما.

- إلهام شاهين كانت قريبة من بابا جدا.

-الفنان سمير صبرى كان بيطلق عليا هند رستم، وعلى عبير اختي فاتن حمامة.

-هند رستم هي الصفحة الأولى في كتاب الستات لو مش الغلاف، إزاي مش هفرح لو شبهوني بيها.

عبير فريد شوقي

-تعلمنا من فريد شوقي الحنية والالتزام وحبه للناس وللعطاء.

-اتعلمت من ماما إنى أبقى ست بيت شاطره وأربى أولادى إزاي، وتعلمت منها الحكمة.