حلت الفنانة إلهام شاهين ضيفة على برنامج "السيرة" من تقديم وفاء الكيلاني ويعرض عبر قناة dmc.
وفي الجزء الأول من حلقتها تحدثت إلهام عن بداياتها الفنية وعلاقتها بوالدها الذي كان رافضا دخولها مجال التمثيل.
نرشح لك: إلهام شاهين: تمنيت أبويا يسامحني قبل ما يموت وعندي أخ معرفش عنه حاجة (فيديو)
وفي نقاط نستعرض أبرز تصريحات إلهام شاهين:
- بابا دخلني كلية لغات وترجمة جامعة الأزهر واختارها علشان قريبة من البيت وكلها بنات، طول عمري كنت في مدارس بنات ومكنش عاوزني أختلط بالأولاد.
- بابا كان شخص منفتح جدا لكن كان بيغير عليا وكنت غالية عنده أوي، أنا أول أولاده وكان دايما بيقولي الكبيرة.
- دخلت معهد فنون مسرحية علشان أبقى مخرجة، وفي امتحان القبول كان لازم أمثل.
- بابا رفض أني أحول من جامعة الأزهر لمعهد فنون مسرحية وقالي هتضيعي مستقبلك وقالي الوسط الفني صعب وهتدخلي وسط غابة أسود ونمور وأنتي عصفورة هتضيعي وسطهم.
- معلومة أن الممثلة إلهام زكي عمتي غلط، أنا عندي عمة واحدة ملهاش علاقة بالفن وأنا معرفش إلهام زكي ولا شفتلها حاجة.
- أنا مقتنعه باللي بعمله وأي مشهد بقدمه بيكون داخل السياق الدرامي.
- أنا كنت بعشق أبويا ولما مات كنت أنا قاعدة تحت رجليه.
- تمنيت أبويا يسامحني قبل ما يموت.
- اشتريت مقبرة قبل وفاة أبويا بأيام واستلمتها يوم وفاته وأول يوم أروح أشوفها يوم وفاته.
- اتخانقت يوم جنازة أبويا مع حد من قرايبه كان عاوز يدفنه في القرية وأنا صممت أني أدفنه في القاهرة.
- جلال الشرقاوي ضربني بسبب زيارة أشرف زكي لي في كواليس مسرحية كنت بشارك فيها، أنا رديت عليه بكلمة سخيفة وهو قالي أنتي قليلة الأدب وأداني قلم.
اقرأ أيضا:
نرمين الفقي تتحدث عن والدها: التقيت به أول مرة وأنا عمري 16 عاما (فيديو)
عمرو يوسف يظهر بلحية على البوستر الرسمي لمسلسل "الملك"
4 مسلسلات من 15 حلقة في دراما رمضان 2021
شيرين عن سبب غلق حساباتها على السوشيال ميديا: مش عايزة شكرا