الملخص- خالد الصاوي في "سهرانين": عضيت كلب وعلاقتي بالمدرسة انتهت في أولى حضانة و"الفيل الأزرق" أرهقني نفسيا

نهال ناصر

نهال ناصر تاريخ النشر: الأحد، 7 مارس، 2021 | آخر تحديث:

خالد الصاوي

حل الفنان خالد الصاوي ضيفا على برنامج "سهرانين" مع أمير كرارة ويعرض عبر قناة ON.

وخلال الحلقة حكى الصاوي عن كواليس التحضير لفيلم "الفيل الأزرق" وشخصية "نائل" التي قدمها، كما استعاد ذكريات من طفولته والمدرسة.

نرشح لك: إصابة غادة عادل بكورونا

وفي نقاط نستعرض أبرز تصريحات خالد الصاوي في البرنامج:

- الطريقة اللي اشتغلت بيها على شخصية "نائل" في "الفيل الأزرق" فيها غباء كتير.

- كنت بفضل أقعد صاحي اتفرج على 50 أو 60 حالة تلبس بالجن واستخراجه من جميع أنحاء العالم، ودا ضغط عليا نفسيا.

- لما كنا بنحضر للفيلم طلبت أن يكون ليا أوضة أنعزل وأقعد فيها لوحدي 3 أيام علشان أدخل في تفاصيل الشخصية.

- علاقتي بالمدرسة انتهت من أولى حضانة أول يوم، ومش عارف ليه كنا بنلبس مريلة.

- أول يوم في الحضانة روحت قعدت ألعب وفجأة بدأ المدرسين يزعقوا ودخلوني الفصل مدوليش الصلصال زي باقي الأطفال وصنفوني أني شقي من أول يوم لحد ثانوية عامة بقعد في آخر الفصل.

- بحب النوم وبنام في أي حته، والفيلم أذا كان حلو أوي يخليك تنام.

- كل أحلامي أكشن من النوع العجيب.

- عندي 5 كلاب.

- عضيت كلب علشان عضيني، كان كلب صغير وأنا كنت طفل.

- مزاجي بيتغير في ثانية، ووالدتي ومراتي بيقولولي كتير أنت ليه كئيب.

- بحط صورتي وأنا عندي 3 سنين وأفضل أبص لها لما أحس أني تايه أو مهموم، وبحسها بترجعني لفطرتي.