كشف المؤلف محمد سليمان عبد المالك عن رأيه في تراجع مستوى الأعمال الكوميدية المعروضة خلال الفترة الأخيرة.

تحدث محمد سليمان عبد المالك عبر حسابه على Facebook، وناقش أزمة الكوميديا، حيث كتب: "الكوميديا في أزمة محدش يقدر ينفيها.. الذوق العام بيتغير بسرعة مدهشة، وده تغير طبيعي في زمن الفيديوهات القصيرة والكوميك والتمبات والميمز".

نرشح لك - أحمد فهمي يعلق على تصريحات نادر حمدي حول الصلح مع شيكابالا

أضاف: "حتى النكتة بتاعة "مرة واحد.." في طريقها للانقراض، وده لإن حجم الاستهلاك "اليومي" للمحتوى الكوميدي أصبح ضخم بدرجة مرعبة".

أوضح محمد سليمان عبد المالك: "فيه نجوم كوميديا كانوا بيموتونا من الضحك زمان والنهاردة مش بيضحكونا، فيه أعمال كوميدية كانت بتموتنا من كام سنة ولما تتفرج عليها تاني ولا الهوا، والأزمة عالمية بالمناسبة، معادش فيه "ساينفلد" ولا "فرندز" في الجيل الحالي، وكل المحاولات الأجدد أقل نجاحا بشكل واضح جدا".

تابع: "طب ازاي مدرسة المشاغبين لسه بتضحكنا؟ هي بتضحكنا إحنا لكن تعالى فرّج الجيل الأصغر عليها، محدش هيفهم إحنا بنضحك عليه، بيعتبروها dad jokes منتهية الصلاحية، هو ده الجيل اللي كان بيموت ضحك على ارتجالات مسرح مصر والنهاردة زهق وبيدور على الأجدد، التغيرات بقت سريعة وسرعتها تخض".

أكد سليمان عبد المالك أن الأزمة قد يكون لها حلول متاحة، وكتب: "يبقى الأمل في اللي لسه بيحاولوا، واللي فهموا إن الضحك مش لازم يبقى قهقهة وسريخ وتخبيط رجلين في الأرض، وإن الكوميديا موقف وبناء درامي وحالة بهجة تخليك عايز تكمل وانت مبتسم، ولك في "اللعبة" خير دليل على مدار موسمين ناجحين، خلا الناس يقولوا إنهم مستعدين يتفرجوا على حلقات جديدة إلى ما لا نهاية".

يذكر أن محمد سليمان عبد المالك ينتظر عرض مسلسله "قصر النيل" خلال شهر رمضان المقبل، وهو من إخراج خالد مرعي ويشارك في بطولته كلا من دينا الشربيني، ريهام عبد الغفور، أحمد مجدي، عمر السعيد، أحمد خالد صالح، محمود البزاوي، صلاح عبد الله، صبري فواز، محمد محمود عبد العزيز، نبيل عيسى، ناردين فرج، مريم الخشت ومحمد حاتم.

اقرأ أيضا:
محمد ممدوح عن محمود عبد العزيز: كنا بنخاف منه في اللوكيشن

الملخص- محمد ثروت: عادل إمام وقف بجانبي واشتغلت على عربية كبدة وسجق

من هو "مازو" الحقيقي الذي ظهر هشام ماجد باسمه في "اللعبة"؟

منى جمال: انتظرت من محمد ثروت بوكيه ورد أو طبق كباب..طلعلي بسيف بينور