علق الفنان إسلام إبراهيم على سلوك خاطئ تتبعه الأمهات في تربية أولادهم، معتقدين أنه يندرج تحت بنود التربية السليمة بينما هو ليس صحيحًا على الإطلاق.
إسلام إبراهيم يرد على السخرية من بدلته في افتتاح القاهرة السينمائي: مهنة التمثيل بقت قاسية!
كتب إسلام إبراهيم عبر حسابه على Facebook: "معلش أنا حابب أتكلم في حاجة غيظاني بعيدا عن الفن تماما بما أني كنت في يوم من الأيام أخصائي تخاطب وتعديل سلوك للأطفال وشغلي كله كان مع الأطفال وبرده ده رأيي الشخصي المتواضع هو لما حضرتك تبقي خارجة شارية المول كله وفي إيدك 15 كيس وبأكد أنه المول مش السوبر ماركت وطلبات البيت وواقفة ذلة العيل قدام بتاع الكاندي وبتقولي له هنشتري حاجة واحدة بس".
تابع: "والطفل ياقلب أمه واقف في عينه حسرة وحيرة ومش عارف يعمل إيه وهو واقف قدام كل الإغراءات والألوانات دي... حضرتك كده متخيلة أنك تربوية؟... لو هتلزمي الطفل أنه يشتري حاجة واحدة بس يبقى لازم أنتي كمان تشتري حاجة واحدة بس... الطفل حضرتك أذكى مني ومنك وذاكرته البصرية أعلى مني ومنك عينه دي عبارة عن كاميرا بتخزن كل حاجة... عينه شايفة الأكياس في إيدك وودنه بتسمع العكس".
اختتم إسلام إبراهيم: "للأسف بشوف المنظر ده في كل خروجة وبقى بيتكرر كتير جدا أكيد تربويا لازم نعلم الطفل يبقى عنده قناعة ورضا وأن مش كل حاجة بنشوفها نقدر نجيبها بس لازم نبدأ بنفسنا الأول نفسي نبطل نبقى حافظين مش فاهمين".
يذكر أن إسلام إبراهيم شارك في مسلسل "بـ100 وش" خلال شهر رمضان الماضي وهو من تأليف أحمد وائل وعمرو الدالي، إنتاج العدل جروب، إخراج كاملة أبو ذكري، وشارك في بطولته نيللي كريم، آسر ياسين، علا رشدي، محمد عبد العظيم، شريف دسوقي، دنيا ماهر، سلوى محمد علي، حنان يوسف، زينب غريب وحسن أبو الروس.
اقرأ أيضا:
سبب تعجب شريف مدكور من صورة عيد ميلاد ياسمين صبري
بعد ظهورها معه في "علاء الدين"... رأي ابنة محمد رمضان في دخول مجال الفن