عبرت نادية الكامل زوجة الفنان أحمد الفيشاوي عن استيائها من تداول مقطع فيديو منسوبًا إليها ونفت علاقتها بصوت المرأة في هذا الفيديو.
T-Shirt أحمد الفيشاوي في ختام القاهرة السينمائي يتخطى سعره الـ7 آلاف جنيه

وعلقت زوجة الفيشاوي على الفيديو الذي تم تداوله من حفل ختام مهرجان القاهرة السينمائي، في دورته الـ42 الذي أقيم بدار الأوبرا المصرية، حيث ظهر أحمد الفيشاوي مع شريف رمزي وهما يلتقطان صورة معًا، وظهر صوت سيدة تنادي قائلة "أحمد تعالى أقعد جمبي، أحمد تعالى هنا".

وكتبت الكامل عبر حسابها على Facebook نافية علاقتها بهذا الصوت تماما: "أنا ولا قولت أحمد ولا قولت تعالي هنا.. وكمان ماقولتش تعالي اقعد جنبي، وكمان فيه واحدة بتنادي علي واللي يعرفني هيعرف إن ده مش صوتي! يا جماعة أنا روحت البيت اتفرجت زيي زي الناس .. يا جماعة الحقوني أنا جوزي كان هيتاخد مني.. طيب الآنسة دي اللي عاوزاه يقعد جنبها مفكرتش للحظة أنا هقعد فين؟ واللي بتقول له تعالي هنا.. طب لما هو يروح هنا أنا هروح فين؟"

تابعت زوجة الفيشاوي: "وعلى فكرة أنا أتقل وأرزن وأعقل بكتير إني اعمل كده وأنادي لجوزي بالشكل ده عشان شكلي... وأنا أحب أحترم شكلي ونفسي جدا.. واهو في الآخر لا رد على دي ولا راح هنا ولا بص حتى.. يعني شكلكم وحش أوي.. بنسميكوا "فئران"، ولاد اللذين فلتوا مني.. بس معلش المرة الجاية هاخد بالي.. ستات تخاف متختشيش حقيقي.. أشعر بالإشمئزاز فعلا من تصرفات زي دي متلقش بأي ست محترمة.. أشعر بالإشمئزاز فعلا".

من ناحية أخرى، يشارك الفيشاوي في فيلم "30 مارس" من إخراج أحمد خالد موسى، وينتمي العمل إلى نوعية السيكو دراما، من تأليف حميد المدني.

الفيلم من بطولة أحمد الفيشاوي ودينا الشربيني وخالد الصاوي وإنجي المقدم وأسماء أبواليزيد وندى موسى وصبري فواز ومحمد شاهين ومحمد جمعة ومحمد علي رزق وأحمد خالد صالح، ويضم مجموعة من ضيوف الشرف.

اقرأ أيضاً

جبروت امرأة- علوية جميل رمت يمين الطلاق على ضرتها بنفسها

إعلان جديد لعمرو دياب بالتزامن مع ألبوم "يا أنا يا لأ" .. فيديو