نشر الفنان صلاح عبد الله قصيدة رثاء لنفسه، قبل رحيله، مطالبا الجمهور بقراءتها بعد وفاته.
اقرأ أيضا: بالفيديو- هدية لميس الحديدي لمحمد صلاح.. ما علاقة صلاح عبد الله؟
أوضح عبد الله عبر حسابه على Facebook، أنه لا يريد من الجمهور التفاعل مع القصيدة، بقدر ما يريدهم أن يحتفظوا بها وعندما يحين موعد وفاته، يقرأوها مرة أخرى، ولكن بدون الثلاث سطور الأخيرة.
وجاء نص القصيدة كالتالي:
لما مت عملتوا إيه؟!
كان نفسي أشوفكم
بس ماقدرتش أشوف لأني مت
بس وحياة ميتينكوا
والكلام بيني وبينكوا لما مت زعلتوا عليا قد إيه؟
يوم.. يومين تلاتة بالكتير مش بلومكم
دا أنا عايزكوا تعيشوا يومكم
صدقوني يومين كتير كفايه يوم.. أو 1/2 يوم أو 1/4 يوم
أو ربع ساعة فقط لا غير مش مهم
المهم لما تشوفوا صورتي أو تيجي سيرتي.. تذكروني
تذكروني بكل خير
وحبذا لو كانت الذكرى بدموع
أو شحتفة أو حشرجة أو نهنهة
قصدي خلوا الحالة تبدو إنها
حزن فاق كل الآفاق
في قلب من ألم الفراق موجوع
واعوا تنسوا
اذكروا محاسن موتاكم ولو مفيش
ألفولي حبة محاسن واذكروها
واكتبوها على صورتي وشيروها
أو لما تيجي سيرتي اسكتوا
اسكتوا وغيروا الموضوع
غيروا الموضوع لأني
للأسف.. لسه حي
لسه بهرب م اللي فات
لسه خايف م اللي جاي
كان الفنان صلاح عبد الله قد تسلم قبل أيام درع التكريم من قبل مهرجان الإسكندرية السينمائي، وفي خطاب تكريمه قال صلاح عبد الله إنه يهدي التكريم لوالدته التي رحلت قبل أن يصبح مشهورا.
اقرأ أيضا:
بالفيديو- نصائح منى زكي وابنتها لمواجهة شتائم السوشيال ميديا
صور وفيديو- خطوبة محمد عطية وميرنا الهلباوي