وجه الفنان أمير عيد رسالة إلى جمهوره قبل إحياء حفله المرتقب.
ونشر عيد عبر حسابه على facebook قائلا: "قبل قيام الحفل النهارده أحب أقول إن أنا ممكن أكون غلطان ومقرأتش الأمور بالشكل السليم من الأول خصوصا إن وقت الاتفاق عن الحفل كانت الظروف مختلفة والأمور مستقرة أكثر من دلوقتي وبيتعمل حفلات، أي حد عنده الحق يعترض على إقامه حفل كايروكي مش هصادر رأيكم".
تابع: "الموضوع نسبي هناك من يؤيد استمرار الحياه مع الوقايه عشان الشغل والحال يمشي وهناك من يؤيد العكس. قرار الالغاء او التأجيل حاليا من اصعب ما يكون بعد بيع التذاكر في اول يوم نزلت فيه والمشكله الاكبر ان في ناس اشترت تذاكر سوق سوده باسعار كبيره ودول مش هيعرفوا يرجعوها او ياخدوا فلوسهم تاني وغير الناس الكتير اللي بتشتغل ورا الحفله والتعاقدات والخ الخ .ده قرار مش هعرف اعمله لوحدي لاسباب كتير ومعقده مش هخوض فيها".
أضاف أمير عيد:"كل اللي قادر اعمله اني انبه علي الجميع واكون امين معاهم واني اتابع بقدر المستطاع مع منظمي الحفل ضروره تنفيذ خطتهم الوقائية الموضوعة...
- قياس درجات الحراره للحضور قبل الدخول والتأكد من ارتداء الكمامة
- وجود عدد كبير من المراقبين داخل الحفل للتأكد من ان كل حد بيتبع الاجرائات الوقائية.
- قيام الحفل في مكان كبير مفتوح بيستوعب عدد كبير ولكن مع حضور عدد اقل من اللي المكان ممكن يستوعبه بحيث ميبقوش متقاربين.
- تمت مراجعه خطه الحفل مع الجهات المعنيه للتأكد من قيام كل شيء بشكل سليم ومظبوط.
طبعا كل ده ملوش قيمه بدون التزامنا كلنا و كل شخص يكون مسئول عشان نفسه وعشان الناس اللي حواليه انا بحاول اعمل كل اللي اقدر عليه في الوضع الحالي اللي لقيت نفسي فيه وبحاول اكون امين معاكم في نقل الصوره ويهمني سلامتكم اكتر من اي حاجه تانيه. وبعتذر لو كنت اسأت التقدير".
يشار إلى أن أمير عيد وهاني عادل، طرحا دويتو غنائي ، باسم "أول مرة اتقابلنا".
الأغنية من كلمات حازم ويفي ومن ألحان وتوزيع Airmzy وهندسة الصوت لجورج يعقوب ومن إنتاج Esma3 Shoof.
واستخدم الثنائي فكرة الجرافيكس والرسوم المتحركة في الأغنية الجديدة من خلال "ستوري بورد" لقصة رومانسية مع كتابة كلمات الأغنية، وقام بها ""my studio لإسلام أبو رواش ومي السنهوني وDigital distribution لـ Arpu plus
Digital media & Pr : Brand Stamp.
اقرأ أيضا
محمد دياب يخرجه لمارفل بعد 45 عاما من ظهوره ... كل ما تريد معرفته عن Moon Knight
فيديو- ريهام سعيد: لم أهاجم درة... اتعرض لمؤامرة