انتقادات واسعة نالها المطرب محمد الشرنوبي وهجوم من قبل طلاب جامعة أكتوبر للعلوم والتكنولوجيا رغم اعتذاره إلا أن الهجوم لا يزال مستمرا عليه.

يأتي هذا بعد مدح شرنوبي لزوجته راندا رياض بطريقة غير مباشرة مشيرا إلى أنها أفضل من خطيبته السابقة سارة الطباخ خلال لقائه مع الإعلامية لميس الحديدي على هامش افتتاح مهرجان الجونة السينمائي في دورته الرابعة.

وقال الشرنوبي خلال لقائه "الجواز لطيف ومبسوط وسعيد ومستقر، وحسيت أن أنا اختارت صح، وحسيت إننا مناسبين لبعض، مش فكرة أني اختارت صح، معرفش هي شخصيات ممكن تبقى قابله عيوبي والعكس، فيها ميزة رهيبة أني بعرف اتكلم معاها في شغل، لما بتكلم معاها في حاجة بتبقى فاهماها، مش بتبقى زي واحدة جايبه من MSA".

هذا التصريح تسبب في هجوم طلاب جامعة MSA عليه ووصفه الكثيرون بالتقليل من شأن أساتذة الجامعة وطلابها .

الأمر تطور خلال الساعات الماضية حيث أثار غضب هيئة التدريس بالجامعة، وأصدرت إحدى أساتذة الجامعة بيانا عاجلا للرد على إساءة الشرنوبي وطالبته بالاعتذار مؤكدة ان قدرات طالبات الجامعة تفوق قدرات إناس كثر ومن بينهم الشرنوبي نفسه جاء فيه :

"لما تبقي متضايق من خطيبتك الأولانية اللي هي خريجة الجامعة، عيب أوي أنك تطلع في انترفيو تتكلم كده عن كلية وجامعة ليها مكانتها في المجتمع المصري".

وتابعت: "كلية إعلام بجامعة MSA فيها 1500 طالب وطالبة بقدرات تفوق قدرات ناس كتيرة بما فيها حضرتك، 7 مشاريع تخرج كليه إعلام MSA التيرم اللي فات عندها نسب مشاهده (موثقة) تفوق الـ800 ألف مشاهده في 3 شهور وممكن الرقم ده يكون أكتر من عدد مشاهدة اغنية لحضرتك.. وعدد من الحملات والأفلام الوثائقية اللي فازوا في مهرجانات محلية ودولية أكتر من عدد أغاني حضرتك كلها.

وأضافت" وعلي فكرة جامعة MSA دي.. ممكن تبقي مكان تحلم تدخل تغني فيه أغنيه واحده بس عشان جمهورك اللي فيها ..اللي حوالي 12 الف طالب او اكتر( اللي اكيد متضايقين من كلام حضرتك في برنامج عام).. مجرد حلم لحضرتك."

وأختتمت " متهيألي.. حضرتك لازم تنزل اعتذار رسمي لأن اللي حضرتك قلته ده غير محترف وميطلعش من شخصية عامة اللي المفروض أنها متعلمة ومثقفة وتعرف لما تبقي متضايقة من شخص ..متدخلش تشتم في المكان اللي الشخص ده متخرج منه.. ولازم تعرف أن حضرتك شخصية عامة.. الكلمة محسوبة عليها ..والكلمة الواحدة الغلط ممكن تخسرك جمهور بمئات الألوف، أعتقد أنك لعبتها بطريقة ليست ذكية جدًا".

وبالفعل اعتذر الشرنوبي ورد على منشور الدكتورة قائلا "كل احترامي وتقديري لحضرتك ولجامعة MSA وطلبة mass com اللي فيها كتير من صحابي خريجين منها ومعنديش أي مشاكل مع أي حد".

وتابع الشرنوبي"ممكن يكون خانني التعبير وهي فعلًا حاجة غريبة وكلمة طلعت مني عشان هي الوحيده اللي جت في دماغي ساعتها".

وعلى الرغم من اعتذار الشرنوبي إلى أن الهجوم عليه لا يزال مستمرا عبر مواقع التواصل الاجتماعي حيث شن أعضاء "جروبات" الجامعة عبر مواقع التواصل الاجتماعي أكثر من "هاشتاج" للهجوم على الشرنوبي، ونفس الأمر ظهر في صفحات طلاب الجامعة التي نشرت عددا من "الكوميكسات" التي تسخر من تصريحات الشرنوبي، فيما هدد عدد كبير من طلاب الجامعة بمقاطعة أعماله الفنية وتحديدًا أغنياته التي تطرح عبر المنصات الرقمية المختلفة.

اقرا أيضا

فيديو- حسن يوسف عن رفض حضور مهرجان الجونة: دعوني بشكل غير لائق

بالفيديو - بعد تعرضها للتنمر .. جورجينا طواف عن صورتها الجريئة: اتصورت غلط!