نشرت الممثلة اللبنانية زينة مكي فيديو لها بصحبة حبيبها الموسيقي نبيل خوري.
ظهرت في الفيديو زينة بصحبة نبيل بعد انتهائهما من تمارينها الرياضية سويا، وبعدها جثى خوري على ركبتيه وقدم لها خاتم الزواج، وفي الخلفية أغنية من ألحانه قدمها لهذه المناسبة الخاصة.
ونشرت زينة الفيديو كاتبة عبر حسابها بتطبيق Instagram: "رغم كل شي عم يمرق فيه بلدنا و نحنا.. و رغم كل الزعل يللي بقلبي و بقلبو .. نبيل هو السبب يللي عم بيخلّيني اوقف على اجريي كل يوم. بنُص زعلي و بنُص تعصيبي .....و بنُص تمريني اليوم، بيقللي : بدِّك تصيري مرتي؟
انا يللي بحياتي ما تخيّلت أعمل هيك خطوة .. الا بس فات هّو عحياتي..ايه .. أكيد ايه. ❤️
و عفكرة.. انتَ يللي خلّيتني اسمع الموسيقى أحلى".
أما نبيل فكتب: "نحن تنين حبّو بعض بهل إيّام الصعبة، قلوبنا مع كل الناس بلبنان وصرلنا فترة تعبانين و متأثرين بكل شي عم بصير حوالينا. كنت مقرّر أعمُل هل خطوة بعد فترة و مش اليوم... بس كان في شي جوّاتي عم بيقلّي أعملا لأنّو اشتقت شوف البنت اللّي بحبّا مبسوطة...
اليوم أنا بدي قلكن، حبّو بعض و قدّرو كل لحظة فيكن تعيشوها مع الأشخاص اللي بيعنولكن و بتحبّوهن... لأنّو ما حدا بيعرِف بكرا شو مخبّا...زينة، أنا بحبِّك من كل قلبي و انتي أحلا شي بحياتي اليوم و كل يوم... و أنا بس حبّيتِك صرت إسمَع الموسيقى أحلا و صرت أعمُل موسيقى أحلا".
زينة كشفت منذ أشهر أنها تعيش قصة حب مع شخص من خارج الوسط الفني، مشيرة إلى أنها ستتزوج مدنياً من رجل مسيحي وستترك لأولادها في المستقبل حرية اختيار ديانتهم وتقبل الآخر والانفتاح في التفكير بشكل عام، بما أنها تنتمي لعائلة مسلمة.
اقرأ أيضا:
صورة نادرة لحسن يوسف وشمس البارودي
محمد رشاد يحسم انفصاله عن مي حلمي: مش هنكمل أكتر من كده