كشفت الفنانة هنا الزاهد تفاصيل واقعة التحرش التي تعرضت لها قبل أيام، والتي قامت بتوثيقها بكاميرا الموبايل على الفور.
اقرأ أيضا: بالفيديو- هنا الزاهد تسجل لحظة تعرضها للتحرش
أوضحت هنا في مداخلة هاتفية مع الإعلامي وائل الإبراشي ببرنامج "التاسعة" على القناة الأولى المصرية، أنها تتعرض لمثل هذه المضايقات دوما، وفي كل مرة كانت تخاف وتجري بسيارتها بعيدا، قائلة: "لكن المرة دي الناس زودوها لدرجة وحشة جدا، خوفوني، كانت الساعة 9 ونص بالليل يعني بدري مش متأخر ووسط الناس كلها وعمالين يزنقوا عليا وبيجروا ورايا وسامعة كلام وهما عارفين إننا ممثلة.. كنت خايفة في الأول لقيتهم جريوا ورايا بالعربية".
تابعت: "رجالة كتير وصوتهم عالي.. يا إما همسك الموبايل عشان أصورهم يا إما هيوقفوني عشان ياخدوا الموبايل.. قعدت 5 دقايق تقريبا كلها مرعوبة طلعت الموبايل لقيتهم جريوا وخبوا وشهم".
أشارت هنا إلى أن الشرطة تواصلت مع زوجها الفنان أحمد فهمي، وبدورهم وجهوا لها العديد من الأسئلة لكي يتمكنوا من ضبطهم، مؤكدة أن البحث لا يزال جاريا عن هذه السيارة والأشخاص الذين تواجدوا بها، مضيفة: "أنا بشوف المعجبين دايما في الشارع ناس محترمة جدا.. لكن دول مش محترمين خالص".
تابعت: "التحرش سببه المتحرش نفسه، ولا يوجد سبب آخر، لما بسافر برا بكون واخدة حريتي في اللبس سواء شورت أو غيره، عمري ما لاقيت حد يتحرش بيا.. لكن هنا في ناس محجبة ومنقبة وأطفال بيتم التحرش بيها، فا مفيش أي مبرر".
من ناحية أخرى، تنتظر هنا الزاهد عرض أحدث أفلامها "الغسالة" من بطولة كل من محمود حميدة، أحمد حاتم، بيومي فؤاد، أحمد فتحي، محمد سلام، تأليف عادل صليب، إخراج عصام عبد الحميد.
"الغسالة" إنتاج مشترك بين شركات "نيو سينشري" و"أفلام مصر العالمية" و"سينرجي"، ويتولى التوزيع محليًا شركة "دولار فيلم".
اقرأ أيضا:
بعد أزمات التحرش الجنسي... محمد منير يعتذر لفتيات مصر
باكية- مي حلمي تحكي عن أزمة محمد رشاد: هيكسروا باب البيت وياخدوا الشقة