تعرض الإعلامي أسامة منير قبل ساعات، إلى موجة من الانتقادات بسبب اتهامه بالتشهير بعامل توصيل طلبات من أحد المطاعم الشهيرة، لأنه أدان تصرفه بعدم الالتزام بالإجراءات الوقائية لفيروس كورونا المستجد.
أكد أسامة منير موقفه تجاه عامل التوصيل مرة أخرى، وكتب عبر صفحته على facebook قائلا: "بالنسبة للبوست بتاع الراجل بتاع الدليفري أنا عند موقفي ومش غلطان ولو جالي بتاع دليفري مش لابس الكمامة هرجعه باللي جايبه واتصل بالمحل الي باعته وابهدلهم علشان الغلط غلط ومافيهوش جبر خواطر، و بإذن الله بكرة هكمل الموضوع على الهواء في الراديو و أنا متمسك برأيي مهما حصل".
كان أسامة منير قد انتقد عامل توصيل عبر صفحته الرسمية على Facebook بسبب عدم ارتدائه الكمامة وعدم استخدام قفازات للامساك بالمشروبات وقال "الناس بقت في منتهي الاستهتار و الغباء..الراجل بتاع الدليفيري جالي و الكمامة تحت منخيرة و بيطلع المشاريب باديه من غير جوانتي وبقوله ينفع كدة بيقولي معلش انا لسة غاسل ايدي.
مضيفا "ناس حقيقي بلا وعي و لا احساس بالمسؤلية و لما كلمته قالي انا اسف. قولت له اسف دي هاتفيدني بايه لما واحد من ولادي يجيلهم عدوي ..حقيقي مافيش فايدة و في الاخر نقول وعي المواطن".
ليتلقى أسامة منير سيلا من الانتقادات والتعليقات السلبية على تسببه في طرد العامل من وظيفته وإحراجه علنا عبر مواقع التواصل الاجتماعي وبخاصة بعد اعتذاره له.
اقرأ أيضا
شروط أسرة أحمد زكي لتقديم قصة حياته... شرط خاص بهالة فؤاد
فوتوشوب- ياسمين عبد العزيز تنشر صورة زفافها وأحمد العوضي