ردت عبير فريد شوقي على الانتقادات التي وجهت لها، حول واقعة الصيدلي الذي أهانها عندما توجهت للصيدلية وطلبت منه أن يعطيها حقن حساسية الصدر، بعد معرفته إصابتها بكورونا.

اقرأ أيضا: مش لاقيه أدوية... صيدلي يهين ابنة فريد شوقي بعد إصابتها بكورونا

أوضحت عبير خلال مداخلة هاتفية مع الإعلامي وائل الإبراشي ببرنامج "التاسعة" على القناة الأولى المصرية، أنها ليست معترضة على رفض الصيدلي إعطائها الحقن، ولكنها مستاءة من طريقته في التعامل معاها، لافتة إلى أن القائمين على الصيدلية اتصلوا بها واعتذروا بالأمس.

وردا على انتقادات الجمهور حول نزولها للصيدلية رغم إصابتها بكورونا، قالت: "الناس اعترضت إني نزلت.. طب أنا عزل منزلي ازاي هجيب حد يديني حقن في البيت؟! .. بيجيبولي الطلبات لحد باب البيت لكن العلاج اعالج نفسي ازاي؟!.. هدي نفسي حقن عضل لحساسية الصدر ازاي؟.. أنا مش معترضة إنه مش عاوز يديني الحقن.. براحته.. لكن يتعامل كويس، فين ثقافته الطبية إنه يكون عارف ايه بيعدي وايه مبيعديش.. واني طول ما انا واقفة بعيد عنه وواخدة احتياطاتي مش هعديه".

مصطفى درويش يعلن إصابته بكورونا ويطلب الدعاء

أضافت: "أنا مريضة حساسية صدر وليا 5 حقن اسبوعيا باخدهم... بتقولوا لي متنزليش من البيت عشان كورونا.. وده اللي عملته بالفعل.. لكة مين هيديني الحقن؟.. اتصلت بشركة من على فيس بوك ووافقوا يجوا يدوني الحقن.. بيدوا الحقنة الواحدة بـ 500 جنيه.. منتهى الاستغلال طبعا.. طب الناس الغلابة تدفع ده منين؟".

وعن تطور حالتها الصحية الآن، قالت عبير فريد شوقي: "حالتي دلوقت ارحم شوية بس طبعا تأثير الأدوية جامد أوي فا تعباني وهداني ومدوخاني.. مبقدرش اقوم من على الكنبة مبقدرش اخلي راسي واقفة كده لازم طول اليوم نايمة".

اقرأ أيضاً

القبض على شيري هانم وابنتها زمردة

تعرف على سعر نظارة محمد رمضان في كليب "كورونا فيروس"