نعت الفنانة ميرهان حسين، الملحن أشرف سالم، الذي وافته المنية مساء أمس الخميس، بعد تعرضه لأزمة صحية.
اقرأ أيضا: نيللي كريم ترد على أنباء زواجها: مش هتجوز في السر
نشرت ميرهان عبر حسابها على Instagram، صورة الملحن الراحل، وعلقت كاتبة: "مع السلامة يا صاحبي ياللي ياما وقفت جنبي وماسبتنيش في عز أزمتي وكنت دايما جنبي في حزني قبل فرحي ياما بروحك النقية رفعت معنوياتي وساعدتني اقف على رجليا وأنا كنت محبطة وضعيفة ومظلومة ومش شايفة خير في الدنيا دي وأنت كنت الخير اللي فيها أنت اللي كنت بتصبرني وتديني الأمل وتشجعني أكمل وتطمني إن كل ده هايعدي".
تابعت: "أنا عدت عليا أيام اتعذبت فيها نفسيا وأنت اللي عمرك عمرك ماسيبتني اقع.. عدت علينا سنين أنا مرضت فيها مرض مميت وقاتل وكان أهم حاجة فيه تفضل نفسيتي كويسة والفضل ليك أنت وأهلي بعد ربنا في شفايا.. والله ما كنت صاحب بس كنت سند وراجل في ضهري وياما قاومت انكساري وقمت بسببك أنت يا صاحبي.. أنا مقهورة على فراقك بس مش هاقولك مع السلامة هاقولك إلى اللقاء يا أغلى الناس".
يُذكر أن الملحن أشرف سالم واحد من أهم الملحنين في الوطن العربي وتعاون مع كبير من النجوم وقدم معهم الكثير من أشهر الأغاني المحفورة في الذاكرة.
بدايته كانت في أواخر عام 1998، وأول أغنية قام بتلحينها كانت "ليالينا الحلوة" للفنان حميد الشاعري من كلمات الشاعر سامح العجمي.
اقرأ أيضا:
أول رد من شيرين على أنباء شجارها مع حسام حبيب
صور- ابنة أحمد الفيشاوي تنشر أول صور لأخيها "تيتوس الفيشاوي"