أعلنت الإعلامية سالي عبد السلام عودة مرض الثعلبة إليها، للمرة الثالثة، وهو مرض يهاجم مناعة الجسم عن طريق الشعر ما يؤدي لتساقطه.
اقرأ أيضا: بعد الاستعانة بالشرطة... الكشف عن المتسبب في تسريب مشهد "البرنس"
نشرت سالي صورة جديدها لها عبر Instagram، وعلقت كاتبة: "للمرة التالتة يا رب..الحمدلله حتى ترضى.. تالت المناعة وشعرى وأماكن فاضية تماماً فجأة فى يوم، والكورتيزون وحقن الراس من غير مسكن فى الصيام وممنوع بنج، يا الله بعد ما ابتدى اظبط على قد ما أقدر آثاره الجانبية البشعة وأحاول تانى بعد كل وقعة ملحقش افوق! سبحانك".
تابعت: "كذا حد قالى من الناس اللى قلوبهم حلوة إن ربنا بيبتليك فى أكتر حاجة بتحبها ليختبرك وكل ما تزود الطاعات زادت الابتلاءات وفعلاً حقيقى سبحانك.. اللهم لا تحملنا ما لا طاقة لنا به.. اللهم اعفو عنا وراضينا يا رب.. على الصبر نؤجر والابتلاء والرضا بقضاء الله".
أضافت سالي: "ابعدوا عن الناس اللى بتضغط عليكوا تحت مسمى الحب وبيستغلكم.. أ شغل فيه ضغط وعلى صحتكم ابعدوا عنه.. بقول لنفسى معاكم عشان كنت فاكرة ان جسمك ممكن تضحك عليه وتمثل إنك مبسوط أو إنك جامد أوى تستحمل أى ضغط... لا! لو هنخسر كل حاجة ونكسب صحتنا يبقى كسبنا.. يا رب ابعد عنا المنافقين وكل مصدر ضغط وزعل أو عقاب.. أى حد يحملنا فوق طاقتنا كاره مش محب".
واختتمت حديثها كاتبة: "لا إله إلا أنت سبحانك إنى كنت من الظالمين.. ربى إنى مسنى الضر وأنت ارحم الراحمين...ادعولى ولكم أضعاف ما دعيتم.. الحمد لله".
كانت سالي قد كشفت من قبل عن معاناتها من مرض مناعي يتسبب في تساقط شعرها، تلقت بسببه علاجًا بالكورتيزون وهو ما يسبب لها متاعب كثيرة، فعندما أوقفته هاجمها المرض المناعي مجددا، وبدأ شعرها بالتساقط لتعود وتتلقى نفس العلاج.
اقرأ أيضا:
شاهد- مفيد فوزي: سعاد حسني قتلها الإدمان
كورونا تمنع صفاء أبو السعود من حضور جنازة زوجها