تشارك الإعلامية رضوى الشربيني جمهورها بالعديد من الصور الفيديوهات عبر حساباتها على مواقع التواصل الاجتماعي.
اقرأ أيضا: فيديو- مقلب رامز جلال في غادة عادل "رامز مجنون رسمي"
نشرت رضوى عر حسابها على Instagram، صورة لها بالحجاب، والذي ارتدته من قبل على الهواء في برنامجها "هي وبس"، خلال استضافتها لمصممة حجاب، وعلّقت رضوى على الصورة كاتبة: "ترددت كتير أوي قبل ما احط الصورة دى.. يمكن علشان كان نفسى تبقى أول صورة بالحجاب لما ربنا يكتبه ليا بجد ويمكن كنت خايفه اتهامى بالتمثيل أو ادعاء الفضيلة".
اقرأ أيضا: القبض على سما المصري بأمر النائب العام
تابعت: "بس أول مرة أحس إنها صورة معبرة للكلام اللى عايزه اقوله.. السنه دي إحنا كلنا قاعدين فى البيت ودى فرصة ذهبية لكل شخص فينا.. نراجع نفسنا ونطلب منه السماح والهداية.. محدش فينا ملاك وكلنا مقصرين.. بس الأكيد كلنا عايزين ندخل الجنة.. اللى يقدر يعمل السنه دى حاجه ازيد يعملها".
أضافت: "اللى يقدر يشجع غيره يشجع.. اللى يقدر يسامح يسامح واللى يقدر يقرب من ربنا أكتر يقرب.. لعل رمضان السنه دى مختلف لينا جميعا.. رمضان كريم".
كانت رضوى الشربيني قد ارتدت الحجاب على الهواء، في نوفمبر الماضي، ببرنامجها "هي وبس" الذي تقدمه على قناة CBC سفرة.
استضافت رضوى خلال الحلقة مصممة الطرح صباح مجدي، والتي قدمت العديد من النصائح بشأن طريقة اختيار "الإيشارب" المميز مع الملابس، حيث ارتدت رضوى "إيشارب" لتجربته معلقة على مظهرها بالقول "إيه ده.. حلو أوي صح".
تابعت: "يارب يكتبها.. يارب أبقى محجبة".
اقرأ أيضا:
لقطات طريفة تجمع محمد صلاح وابنته مكة في إعلان فودافون الجديد
أحمد فتحي لرامز جلال: شكرا إني مهونتش عليك