انتقدت الفنانة داليا مصطفى ظهور بعض زملائها من الفنانين بشكل غير لائق في وسائل الإعلام، سواء فيما يتعلق بالتصريحات التي يدلون بها، أو أسلوبهم في الحديث.
كتبت داليا عبر حسابها على Facebook: "مش عارفه أقول إيه وأبدا ازاي بس فعلا فيه بعض الممثلين الزملاء وهما ممكن يكونوا هايلين جدا جدا في شغلهم لكن الأفضل ليهم ولينا إحنا لأننا نصنف علي إن كلنا واحد، إنهم ميتكلموش خالص خالص خالص في أي برنامج لأنهم بيفضحونا فعلا لا ثقافة ولا وعي علي إنهم بيسجلوا مع مذيع ولا صحفي".
اقرأ أيضا: نصيحة داليا مصطفى لـ محمد رمضان
أضافت: "والأكبر والأقوى من كده انهم ليهم معجبين كتيييييييير ولأنهم وده اللي مش قادرين يستوعبوه إنهم قدوة قدوة لناس كتير أوي أوي.. وأي كلمه مش مظبوطة أنت أو أنتي بتعتبروها هزار وخفة دم. صراحة هي شئ سخيف وأنت حضرتك بتهدم جيل بأسلوبك الركيك ومعني ركيك مش رقيق يعني أسلوب متواضع في اللغة وعيب علي حضرتك أو حضرتك كفنان يصدر من لسانك مثل هذه الألفاظ لأنك علم وغير كده وكده ارحمونا شكلنا بقي وحش أوي أوي أوي".
واختتمت داليا حديثها كاتبة: "اه وعلى فكرة في نجم عظيم عظيم بمعني الكلمة لكنه عمره ما طلع في أي برنامج أو مقابلة عابرة لأنه عارف كويس أوي إنه مش بيعرف يتكلم كويس وعادي يعني الراجل عايش وكلنا بنحبه ونموت ونتصور معاه ارحمونا بقى".
كانت داليا مصطفى قد شاركت مؤخرًا في مسلسل "حواديت الشانزليزيه" وهو من تأليف أيمن سليم ونهى سعيد، وإخراج مرقس عادل، ويشارك فى بطولته إياد نصار، إدوارد، مي سليم، إنجي المقدم، هاجر الشرنوبي، منة جلال، عزوز عادل، وهو من إنتاج تامر مرسي، وإشراف عام حسام شوقي، بالإضافة إلى ضيوف الشرف عايدة رياض، حمدي الوزير، فريدة سيف النصر، عارفة عبد الرسول، ليلى عز العرب
اقرأ أيضا:
فيديو- "بوستي مين يا سلمى"... داليا مصطفى تبكي بسبب ابنتها ليلة كاملة
صور- نجوم الفن والرياضة في حفل زفاف أحمد كامل