انتقادات كثيرة وجهت للفنان زكي فطين عبد الوهاب، بسبب مهاجمته للفنان عمرو دياب ووصف ما يقدمه بـ"الإفلاس الفني"، معلنا عن دعمه لأغاني المهرجانات، التي لاقت رواجا خلال الآونة الأخيرة.
اقرأ أيضا: بعد مهاجمته لعمرو دياب... زكي فطين عبد الوهاب: بتنجموا الفنانين زي التابوهات
حذف زكي المنشور بعد الانتقادات التي تعرض لها، وبرر موقفه كاتبا: "أغانى المهرجانات بتعجبنى لأن اللحن والايقاع فيها catchy وفيها مواضيع غير قصص الحب وعذاب الحب.. وكأن مفيش حاجة نتكلم عنها غير الحب.. بس لازم نعرف إنها أغانى أو فن مالوش علاقة بالطرب وده مش عيب.. زى ما الناس بتحكم عليهم".
تابع: "نجوم المهرجانات وبقول نجوم مش (مطربى) المهرجانات بيعبروا عن واقع العشوئيات بتلقائيه وصدق.. مش أكتر.. زى ما عدويه غنى (السح الدح انبوه) واتهاجم وقتها بشراسه.. ورأيى فى أغانى عمرو دياب ده مش إهانة ده مجرد رأى..أنا شيلت البوست لأن من حقك تختلف معايا أو إنك ترى إنى ممثل فاشل.. ده حقك.. لكن الشتيمة مش من حقك".
كان زكي فطين عبد الوهاب قد هاجم الهضبة، قائلا: "أنا عارف إن في ناس هتزعل من الكلام اللي هقوله، لكن بعد الهجوم الشرس على أغاني وموسيقى المهرجانات.. نفسي أفهم عمرو دياب الملقب بالهضبة .. بمناسبة إيه".
تابع: "أغانيه وألحانه وكلمات أغانيه هي هي من ٢٠ سنة.. ده إفلاس فني مابعده إفلاس.. أغاني المهرجانات فيها تجديد وابتكار وتنوع أكتر بكتير غصب عن الملحن الفذ حلمي بكر".
اقرأ أيضا:
تامر حسين ينتقد الهجوم على عمرو دياب: مجادلة وجهل
محمد رمضان يتعاون مع المطرب العالمي ميتر جيمس... هل يغني بالفرنسية؟