تذكرت المطربة الشعبية أمينة، شقيقتها الراحلة "عزة"، التي توفيت في شهر يوليو الماضي، بعد أزمة قلبية مفاجئة بمنزلها.

نشرت أمينة عبر حسابها على Instagram، صورة لها برفقة شقيقتها، وعلّقت كاتبة: "أختي وحشتيني يا نور عيني وحشتيني قوي من هنا لحاااااد أما اقابلك، مش عارفة اقول إيه ولا أبدأ كلامي عنك ازاي عايزة أقولك إن وجودك كان مهم قوي حتى لو إيه، بس انتى كنتى زي الغفير الأمين اللي يؤتمن على أي حاجة".

تابعت: "بحبك حب مش قادرة أوصفه ومحتاجة لحضنك قوي بس انتى بإذن الله في مكان أحسن لأنك صبرتي كتييير قوي يا نور عيني صبرتي على زوج حسبنا الله ونعم الوكيل فيه وصبرتي على مرضك وكنتي برضه بتضحكي وكنتي عايزة تعيشي مش عشانك عشانا كلنا وحشتيني يا عزة يا زوز زي ما كان بابا بيناديكي كان بيعتبرك ابنه مش بنته ربنا يرحمك ويعلي درجتك عنده ويسكنك فسيح جناته.. بحبك وحشتيني".

أضافت: "أمانة اللي يشوف البوست ده يدعيلها ويدعي لأمواتنا جميعا.. الفاتحة".

يشار إلى أن أمينة كانت قد طرحت أغنية جديدة باللهجة العراقية بعنوان "الحيل مهدود". من كلمات رامي العبودي، وألحان سيف عامر، وتم تسجيلها باستديوهات وليد الشامي في دبي.

اقرأ أيضا:

خاص "في الفن" .. فاروق الفيشاوي مات مديونا

تطورات جديدة في قضية مقتل نجل المذيعة مروة ميمي