بالصور- تارا عماد تزور ملجأ للكلاب وتدعو الجمهور للتبني

هالة أبو شامة

هالة أبو شامة تاريخ النشر: الاثنين، 13 يناير، 2020 | آخر تحديث:

تارا عماد

شاركت الفنانة تارا عماد، جمهورها بعدة صور من زيارتها الأخيرة لأحد ملاجيء الكلاب.

نشرت عماد، الصور عبر حسابها الشخصي على موقع Instagram، ظهرت فيها وهي تلعب مع الكلاب وتطعمهم، وعلقت كاتبة: "زرت من كام يوم ملجأ للكلاب، هناك في أنواع كلاب كتيرة أوي".

تابعت: "كلاب اترمت في الشارع عشان مش بتخلف أو عشان عيانة، وكمان كلاب شارع واجهوا كم من الشر والعدوانية من البنى آدمين، مع ذلك الكلاب دي لسه مبسوطة وبتحب الناس وبتحب تلعب، لو قادرين تساعدوا إنسان معناه إن قلبكم كبير، وبتحسوا بالناس".

أضافت: " لو قادرين كمان تساعدوا حيوانات الشارع إنكم تعلموا أطفالكم إن الإساءة لحيوان في الشارع أو في البيت غلط فقلبكم أكبر وأكبر، علموا أطفالكم إن ضرب الحيوانات وقطع جزء من جسمهم مش شطارة، مترموش كلابكم وقططكم في الشارع عشان زهقتوا منهم، وكمان لو عندكم حيوان اعرفوا إن هو بالنسبالكم جزء من حياتكم بس أنتوا حياتوا كلها، لو حابين تزوروا الملجأ تلعبوا مع الكلاب أو تتبنوا شوفو location فوق الصورة".

على صعيد آخر، شاركت تارا عماد، مؤخرًا، في مسرحية "علاء الدين" التي عرضت لأول مرة بالمملكة العربية السعودية ضمن عروض موسم الرياض.

مسرحية "علاء الدين" من إخراج مجدي الهواري، وبطولة أحمد عز، تارا عماد، ومحمد ثروت، وهشام إسماعيل، ومحمد جمعة، وسامي مغاوري، وإسلام إبراهيم.