شاركت الإعلامية دعاء فاروق في فعاليات الاحتفال بالمتفوقين من أبناء الشهداء، بنادي شرطة الجزيرة، ونشرت صورًا من هذه المشاركة عبر حسابها الخاص على Instagram.
علقت دعاء فاروق على إحدى صورها من الاحتفال مازحة: "الصورة دي بإذن الله هطلعها لبتوع الونش اللي ككل شوية يكلبشوا عربيتي، يا اخواننا أنا نص الوقت اللي بنزله بدور على ركنة والنص التاني بجري ورا الونش عشان يفك لي الكلبش، أنا عندي عيال عاوزة أربيهم، السادة الظباط المحترمين طلبت منهم صورة أخوف بيها أي حد يضايقني وتكرموا ووافقوا، ربنا يحميهم لمصر هم والظباط اللي بقابلهم في الونش بقينا عشرة خلاص".
علقت متابعة على صورة دعاء قائلة: "هما دول بقى مش شامين البرفان اللي حضرتك حطاه؟ لأنهم قريبين منك جدا مش بينك وبينهم متر زي ما حضرتك قولتي في الحلقة".
ردت فاروق على المتابعة: "لا حضرتك مش حاطة برفان مهفهف، وكل واحد أدرى بنفسه وبنوع البرفان اللي بيحطه، كل مشوار وليه بارفان مخصوص، في حاجات خفيفة بتتحط تحت الهدوم محدش يشمها غير اللي حاططها، وفي حاجات نفاذة، هل يا ترى لما كنت بتكلم قولت أنا بحط حاجة نفاذة ولا قولت بحط لنفسي ولأي واحدة صاحبتي بتحضنني، مش معقول والله العظيم كم التعليقات على الموضوع ده، وكم الانتقادات اللي خدتها بسبب الكلمة دي، أنا بحط جاز محدش له دعوة بقى".
يذكر أن دعاء فاروق تقدم برنامجًا اجتماعيًا بعنوان "اسأل مع دعاء" ويعرض على قناة "النهار".
اقرأ أيضًا: