شارك الإعلامي أحمد يونس، متابعيه بعدة تدوينات كشف من خلالها عن الأسباب التي جعلت الفنان أكرم حسني من أفضل وأخلص أصدقائه.

نشر يونس، التدوينات عبر حسابه الشخصي على موقع Twitter، وكتب فيها: "في الثريد ده ما لا تعرفه عن أكرم حسني.. أكرم الكل عارفه كموهبة ملهاش حل عنده طلة كده مجرد ما تشوفه تبتسم تلقائي لكن على المستوى الإنساني أجدع وأرجل صاحب عمره ما بخل عليا بنصيحة دايما أقرفه وأساله لما بيجيلي شغل لإني عارف إن الرد نصيحة بمنتهى الإخلاص أوافق ولا لأ؟ أقولهم عاوز كام".

تابع: "عمر شهرته ما غيرته مر بظروف وأزمات كتير جدا لكن على طول مثابر جدا خفة دمه قدام الكاميرا نسخة طبق الأصل من خفة دمه في الحقيقة بيتكسف لو حد شكر فيه بشكل يخليك انت نفسك تضحك فترة شغلي معاه أجمل فتره لما بتطلب معاه يسف على أي حد من صحابه أقسم بالله لو هتعيط مش هيبطل لو جالك جلطه حتى".

"دماغه شغاله وأفكاره برا الصندوق دايما أدى فرص لناس كتير جدا ما عندوش تناكة اني أنا بقيت نجم النجوم ولازم انتو اللي تيجوا وتسلموا والحركات دي أنا ببقا واقف والاقي جاي من ورايا بكل بساطه وتواضع ولاد الناس الحقيقين".

أردف: "في فترة مشاكل شغلي القديم تدخل برغم مشاغله لانه مش عاوز طرفين يخسروا بعض أكرم حسني هو صاحب فكرة اسم برنامج على القهوه اللي انا بعتبره هو نقطة التحول الكبرى في شغلي في الإعلام".

"الكلام ده حقه اني اقوله عنه ودي مش أول ولا آخر مره هقولوا لأنه صاحب وراجل محترم وابن اصول بجد وانا اتعلمت ان العرفان بالجميل سمة ولاد الأصل ونكران الجميل سمة معدومي الأصل ربنا يعليك يا حبيبي اكتر واكتر فخور اني عندي اخ اسمه أكرم حسني".

يشار إلى أن أكرم حسني بدأ مؤخرًا تحضيرات فيلمه الجديد الذي يتعاون فيه مع المخرج شريف عرفة، استعدادا لبدء تصويره قريبا.

ونشر أكرم حسني عبر حسابه على Instagram صورة جمعته مع كل من المخرج شريف عرفة والمؤلف كريم بشير الذي سيتولى كتابة الفيلم الجديد، وعلق عليها "قريبا".

فيما كشف أكرم حسني لـFilFan.com أنه تم الاستقرار على فكرة الفيلم الجديد الذي سيتعاون فيه مع كل من كريم بشير والمخرج شريف عرفة، وأن الفيلم من إنتاج هشام عبد الخالق.

اقرأ أيضا

أمير كرارة: ابني وأصدقائه يلقبوني ببابا نويل

أول صورة لأحمد فهمي وهنا الزاهد من شهر العسل.. فهمي بخلخال أبيض