شارك الفنان تامر حسني جمهوره وحكى عن موقف تعرض له مع معجب التقى به في أحد الفنادق.
نشر حسني عبر صفحته على Facebook صورته مع شاب يعمل في فندق، وحكى أنه التقى به قبل إحياء حفل وكان الشاب قد انفصل عن خطيبته ويعيش حالة من الحزن لكنه عندما رأى تامر، شعر بالسعادة وطلب منه التقاط صورة معه وأن ينشرها تامر في صفحته.
ولأن تامر حسني كان منشغلا لم يستطع التحدث مع الشاب لذا قرر أن يرسل له رسالة من خلال هذا المنشور وقال له: "أكيد الدنيا مش هتقف بيك اهم حاجه تفضل تشتغل زي مانت كدا راجل و سيد الرجاله و ربنا ان شاء الله يصلحلك الحال و ممكن ترجعوا او هيكرمك بإنسانه مناسبه ليك اكتر و خلي الخير بينكم حتى في الإنفصال جايز قربكم مش خير لبعض ربنا يكتبلك الصالح و يكتبلها الصالح".
وتابع: "هم حاجه هوصيك بيها اشتغل و إكبر وإنجح و طور من نفسك ....
مين عارف جايز بعد سنين ربنا يجمعني بيك تاني واشوفك صاحب الفندق اوعى تضحك و تقول مستحيل شغلانتك وانا صغير اشتغلتها بس طبعاً مش في فندق شيك زي دا ،كانت في مطعم أقل من بسيط و عشان راجل مايئستش فضلت ورا حلمي لحد ماوصلتله يارب توصل لحلمك انت و كل الناس و آدي صورتك يا عم منوره عندي اهي متأكد ان كلامي إشاره ليك مهمه خليك شاطر وإفهم الإشاره".
على جانب آخر، ظهر تامر حسني مؤخرا بشكل جديد دون شعر من أجل تصوير فيلم سينمائي جديد، والذي يحمل اسم "مش أنا"، وهو من تأليف وسيناريو وحوار تامر حسني، وستتولى إخراجه المخرجة الشابة سارة وفيق، في أول تجربة إخراجية لها في السينما.
اقرأ أيضا:
نانسي عجرم تكشف أسباب خروج تامر حسني وكاظم الساهر من "ذا فويس كيدز"