وجه الفنان شريف رمزي، تحية لصناع فيلم "ولاد رزق 2"، وقرر مشاركة رأيه في الفيلم تفصيليًا مع جمهوره.
نشر شريف رمزي عبر حسابه الشخصي على Instagram، بوستر فيلم "ولاد رزق 2"، وعلق عليه قائلًا: "استمتعت جدًا امبارح بمشاهدة فيلم من أحلي و أمتع أفلام السنة دي، اللي هتعتبر سنة مهمة جدًا سينمائيًا لأن فيها أفلام مهمة وكبيرة زي " الممر-الفيل الأزرق 2- ولاد رزق 2" دول اللي أنا شفتهم لحد دلوقتي لأني مشفتش كل الأفلام للأسف".
تابع رمزي: "كان من الصعب جدًا إن صناع فيلم يعرفوا يعملوا جزء تاني لفيلم ناجح جدًا ويقدروا يعلوا علي نفسهم ويعدوا رونق مفاجأة الجزء الأول، وروحه ونجاحه عمر ما ده كان ممكن يحصل إلا لما يبقي فيه صناع مبدعين".
أضاف شريف رمزي: "من أول المخرج الكبير طارق العريان والمؤلف الموهوب صلاح الجهيني وكل نجوم وصناع الفيلم ولأنهم كتير جدًا، فمش هعرف أكتب اسمائهم كلها لكن أسمائهم كلها مكتوبة علي أفيش الفيلم ومش هستثني منهم حد تحية كبيرة جدًا جدًا ليكم كلكم".
يذكر أن آخر أعمال شريف رمزي مشاركته في إحدى حكايات مسلسل "نصيبي وقسمتك" الجزء الثاني، وحملت عنوان "أحمد يا عمر" وشارك في بطولتها بسمة وهيدي كرم.
يشار إلى أن فيلم "ولاد رزق 2" يشارك فى بطولته أحمد عز وعمرو يوسف وأحمد الفيشاوى وأحمد داود وكريم قاسم وخالد الصاوى ونسرين أمين، وعدد كبير من النجوم كضيوف شرف على رأسهم غادة عادل وخالد الصاوى وإياد نصار وباسم سمرة، ومن تأليف صلاح الجهينى، وإخراج طارق العريان.
اقرأ أيضًا: