تتواصل أسما شريف منير مع الجمهور عبر حساباتها الشخصية على مواقع التواصل الاجتماعي، وتتميز بحرصها على توجيه النصائح المختلفة لنشر الوعي بين متابعيها.
كتبت أسما عبر حسابها الشخصي على Instagram، مجموعة نصائح خاصة بتسهيل إمكانية الفرد في الوصول إلى السعادة، قائلة: "متحملش حد مسئولية سعادتك، إنتو عارفين إن مفيش أصلا حاجة اسمها حد يسعدك أه ممكن حد يضحكك أو حد يخليك تحس إحساس حلو بس إنه يخليك سعيد ده شيء مستحيل، مش بمزاجنا ده حقيقي خارج عن إرادة أي حد".
تابعت: "كل واحد فينا جه الدنيا دي و ليه رحلة وسبب لوجوده ومن خلال رحلته هو المسئول عن كل قرار فيها وأهم حاجة إنه مسئول عن سعادته، كنت فاكرة إن جوزي أو أهلي أو أصحابي هما المسئولين عن سعادتي و كأن ده حقي أو المفروض إن ده العادي إنهم يقدموه، بس بعد قراءة وتفكير إتفاجئت إني شايفه الحكاية من وجهة نظر ممكن تدمر علاقتي بأقرب الناس ليا".
أردفت أسما: "انا المسؤله عن سعادتي انا اللي مفروض ادور عليها في رحلتي و اتعامل مع المواقف بشكل ايجابي و محملش حد مسؤليه كبيره زي دي".
أضافت ابنة شريف منير: "الأفلام الرومانسية على قد ما بتجدد و بتصحصح مشاعرنا علي قد ما بتزود عندنا التوقعات و بتخلينا نستنى حاجات من اللي بنحبهم و مش بنرضى باللي هما بيقدموه لأنه مش شبه اللي إحنا مستنينه".
اختتمت أسما: "دور على السعادة جواك متستناش السعادة من حد، أنت على فكرة اللي بتختار تكون سعيد أو لا كلها اختيارات، إحنا أه مسيرين بس مخيرين مسيرين".
يشار إلى أن أسما شريف منير شاركت والدها الفنان شريف منير في تقديم برنامج "أنا وبنتي" الذي عرض عبر قناة ON E.
اقرأ أيضًا: