قرر الفنان تامر عاشور أن يخرج ويرد على الأخبار التي يتم نشرها عن قضية التهرب الضريبي الموجهة له، التي يتم النظر فيها حاليا أمام القضاء.
ونشر تامر عاشور عبر حسابه على Instagram صور لبعض الأخبار التي تم نشرها عنه وعن القضية وكتب:
"لما كل الناس دي تتعب نفسها وتكتب في موضوع أساسا الضرايب نفسها غلطانه فيه ده يبقى اسمه ايه - اقسم بالله ما عليا ولا مليم واحد للضرايب".
"رافعين عليا قضيه ونزلو أخبار وسكت وعارضت، لكن كمان أخبار وصوري تتحط مع المجرمين كل ده ليه علشان معييش ولا مليم للضرايب !! ، طيب مكافحه التهرب الضريبي اللي كنت كل أسبوع اروح يدفعوني فلوس دي خدو مني الفلوس ليه لما هم هيرفعوا قضيه!!!؟".
"عارفين كويس أني معليش ولا مليم للضرايب ولا مليم، وأنا قد اللي بقوله وكمان ليا فلوس عندهم - ليه بنهد في الناس بصحافه رخيصه - ما سكتنا وخلاص متكلمناش وعارضنا في صمت بعد ما انتو شردتو في الصحافه كلها - كل جلسه معارضه من القضيه اللي ماليش علاقه بيها هتنزل اخباار !!!؟ واتعامل كأني مجرم !!!؟ وانا اساسا معليش حااااجه".
جاء الحكم في اتهام تامر عاشور بالتهرب من سداد مبلغ قيمته 183.269 ألف جنيه كضرائب مستحقة عليه، وإخفائه إدارة وأرباح التعامل مع شركات"أرت استديو"، و"الشركة المصرية لمدينة الإنتاج الإعلامي"، و"شركة روتانا للتوزيع الفني".
وصدر الحكم بعد أيام من طرح تامر عاشور أحدث ألبوماته الغنائية الذي يحمل اسم "أيام".
اقرأ أيضا