أمير طعيمة لشادي محمد: أمثالك هم اللي وصلونا للمستنقع

محمد عاشور | فى حياة المشاهير

أمير طعيمة ، شادي محمد

الأحد , 24 فبراير 2019 - 16:23 | اخر تحديث: الأحد , 24 فبراير 2019 - 16:23

هاجم الشاعر الغنائي والكاتب أمير طعيمة شادي محمد كابتن النادي الأهلي الأسبق، بعد ما نشره الأخير ضد أمير طعيمة وعدد من الفنانين.

وكتب أمير طعيمة عبر حسابه على موقع Facebook رد على ما نشره شادي محمد، وصورة لهذه الكتابات.

وكتب: "كابتن شادي محمد، كابتن النادي الأهلي لسنين طويلة في عصره الذهبي، يعني لاعب له ثقله عند الجماهير و كلمته، عايزكم كده تقروا البوستين المرفقين اللي كتبهم علي صفحته الرسمية عشان يوصلوا لأكبر عدد طبعا".
"أول واحد فيهم بيتهكم عليا أنا وأيمن بهجت قمر وعمرو مصطفي ونعتنا بالمطبلاتية، وطبعا دي كانت إشارة الهجوم اللي حصل بشكل بربري لا يمت للأخلاق والمبادئ بصلة، سيبكم من الجزئية دي ومن خفة دمه الفظيعة في آخر البوست، نركز في البوست الثاني وخاصة الجملة دي ونشوف الكابتن بيقول إيه: (جمهور اتحول لمقاتلين علي السوشيال ميديا و انتفاضة في حب الكيان، انتم الدرع والسيف الحقيقي ولا أقبل أن يأخذ أحد منكم المشهد).. هل فيه حضراتكم دليل أكتر من ده ان العيال دول فيه اللي بيحركهم بشكل مباشر أو على أقل تقدير بيشحنهم بالنوع ده من البوستات".
وتابع: "الأصعب في الموضوع أن كابتن شادي بعد ما بيزق الولاد دول للتهلكة و يتحبس اللي يتحبس (و بيشجع اللي اتحبسوا علي فكرة) كبيرة هيواسيهم ببوست لو اندفاعهم ده كان سبب في سجنهم أو في أي أمر جلل آخر، ويروح شباب ويشحن شباب غيره ويفضل هو على مقعده الوثير يضحي باللي يضحي بيه.. أمثالك يا كابتن شادي هم اللي وصلونا للمستنقع ده، بس ما تقلقش هييجي دورك".
"عموما يا كابتن شادي أحسنت، مقاتلين السوشيال ميديا بتوعك جم عندي وعندي تقريبا ٥٠٠٠ شتيمة أبشع مما يتصوره بشر وقاموا بالمهمة، بس هم مش شطار زيك بيبحثوا عن ألفاظ مسمومة لا يعاقب عليها القانون، لا دول مندفعين بس كله هيتحاسب".
"سقفة لكابتن شادي و لمبادئه".

وكان أمير طعيمة قد وجه رسالة قاسية لجمهور النادي الأهلي الذي هاجمه على مواقع التواصل الاجتماعي .

كتب طعيمة عبر حسابه بموقع Facebook: "الجميع يعلم أني لست أهلاويا أو زملكاويا، وإن كان احترامي للأهلي ككيان احترام كبير، ولكي تفهوا ما سأقوله، ادخلوا على صفحتي لتشاهدوا تعليقات جمهور الأهلي المحترم على منشوري الأخير رغم أنه منشور فني".

وتابع: "المختصر المفيد، أنا حاليا لا أكره في حياتي سوى الأهلي طالما ده جمهوره، ستقولون لي قلة؟ لكن لو هؤلاء جميعهم قلة (يغوروا بناديهم)، ما حدث (في منتهي القذارة و الوساخة)".

وأضاف: "أعلن ندمي واعتذاري لنفسي على أغنية (نادي المبادئ) التي أهديتها للخطيب في حملته الانتخابية".

اقرا أيضا

أمير طعيمة: "الأهلي بقى أكتر حاجة بكرهها في حياتي"
أمير طعيمة تعليقا على أغنية بشرى "كوبرا": أغاني محمد رمضان أفضل ودمها أخف