أحمد مكي "أغلى من الياقوت"

أحمد مكي "أغلى من الياقوت"

| في آراء،موسيقى وحفلات،حياة المشاهير تاريخ النشر: الأربعاء ، 19 سبتمبر 2018 - 19:23 | آخر تحديث: الأربعاء ، 19 سبتمبر 2018 - 19:23
أحمد مكي في لقطة من كليب "أغلى من الياقوت" أحمد مكي في لقطة من كليب "أغلى من الياقوت"
طرح الفنان أحمد مكي أغنيته الجديد "أغلى من الياقوت"، والتي استطاعت أن تستحوذ على إعجاب عدد كبير من الجمهور وردود أفعال أكبر نحوها.

شاهد أغنية "أغلى من الياقوت"



يعني إيه تكون مختلف؟

أحمد مكي من البداية لما قرر يقدم أغاني بشكل أغاني "الراب" كان مختلف عن الشائع والرايج، بس بطريقة سهلة وواضحة، واختار موضوعات مختلفة وجديدة يتكلم فيها منها اللي نجح ومنها اللي كان عادي، لكنه استمر في تقديم الشكل اللي بيحبه وحافظ على تقديمه، حتى لو على فترات متباعدة، وعشان يأكد وجهة نظره اللي بعيد عن كل اللي بيتقدم على الساحة.

أغنية حلوة

لما تقدم أغنية بجد من قلبك وحاسس بيها وحاسس بكل كلمة بتقولها فيها، الناس هتصدقها وتحسها زي مأنت حستها، نفس فكرة الممثل الشاطر اللي بيقدم شخصية وهو عارف كل أبعادها فتوصل للمشاهد بوضوح، بعكس اللي بيقدم دور أو أغنية للتواجد أو لمكسب مادي، ممكن تحقق نجاح وقتي، لكنه مش هيستمر كتير.

24 ساعة

في 24 ساعة أحمد مكي لمس كل القلوب بالأغنية اللي نفذها، وأصبح حديث مواقع التواصل الاجتماعي بعمل فني رائع حقيقي مش "أي كلام"، وده اللي بيأكد على فكرة أن مش لازم تعمل اللي الناس عوزاه، زي ما البعض بيقول، أعمل حاجه حلوة وحقيقية والناس هتسمعها وتتشدلها بجد أكيد، وهتسيب عمل يعيش لسنين.

النجاح

الأغنية استطاعت أن تحقق أكثر من مليوني مشاهدة على موقع YouTube في 24 ساعة فقط، وبدون أي مساعدات، بالإضافة لردود أفعال قوية على مواقع التواصل الاجتماعي، وحالة من الجدل والإشادة من الجمهور، وقبلهم عدد كبير من صناع الموسيقى، اللي اتأثروا بالأغنية وعبروا عن ده على صفحاتهم بكل صدق ومن غير أي "نفسنه".

ضيف خفيف

أحمد مكي أكد على فكرة أن مش مهم تبقى متواجد طول السنة بأعمال فنية وتنزل كل شهر أغنية، زي ما البعض بدأ يعمل بحجة أن السوق اختلف والمعاير اختلفت، المهم رد الفعل اللي بيحصل مع طرح أغنية واحدة حتى لو كل سنة، وده اللي يخليك تعيش لأكتر من سنة مع الجمهور.

محمد عاشور

9/19/2018 7:23:11 PM

https://www.filfan.com/

2004-2020 © FilFan.com يتم تطويره وإدارته بواسطة

clicking on ".search-btn" adds class "open" on "#search-overlay" clicking on ".close, .confirm" removes class "open" on "#search-overlay" clicking on ".social-btn" adds class "open" on "#social-overlay" clicking on ".close" removes class "open" on "#social-overlay"