رغم انتقادات رواد مواقع التواصل الاجتماعي لأداء المنتخب المصري.. يوسف الشريف وأحمد الشامي يدعمان المنتخب

مي جودة | فى حياة المشاهير

الشامي والشريف

السبت , 2 يونيو 2018 - 02:07 | اخر تحديث: السبت , 2 يونيو 2018 - 02:07

بعد انتهاء مباراة المنتخب المصري ونظيره الكولومبي في إطار الاستعدادات لكأس العالم في روسيا، اعترض رواد مواقع التواصل الاجتماعي على أداء المنتخب المصري، ولكن كان للفنانان يوسف الشريف وأحمد الشامي رأي آخر.

حاول يوسف الشريف دعم المنتخب عبر مجموعة من التدوينات التي كتبها عبر حسابه بموقع Twitter، جاء بها:

الأخوه الموجوديين في الاستوديوهات التحليليه.والاخوه الموجودين على السوشيال ميديا:ماهي الاستفاده الان من الانتقاد المبالغ فيه لأداء المنتخب؟🤔هل ممكن كوبر يغير طريقته تماما في العشر ايّام دول؟الإجابة لا....يبقى انت كده بتضر مش بتفيد.

— Youssef el sherif (@ElSherif) June 1, 2018

على فكره احنا كنّا بنلاعب كولومبيا مش مركز شباب ومن غير صلاح..(الأرجنتين من غير ميسي شالت اربعه من نيجيريا)

— Youssef el sherif (@ElSherif) June 1, 2018

وانا بقول من دلوقتي ماتش بلجيكا أصعب بكتير و احتمال نتيجته ماتبقاش كده(بلجيكا من التوب فور)بلجيكا يعني ديبروين-هازارد-لوكاكو-ميرتينز-كاراسكو وغيرهم..ياريت نستعد نفسيا لده ونستفيد من الماتش ونشجعهم....والمهم الماتشات الرسميه وربنا يستر🙂

— Youssef el sherif (@ElSherif) June 1, 2018

حتى لو في سلبيات..لو حد عنده حل غير اننا نشجعهم يقول...لو مفيش يبقى يلا نشجعهم 💪

— Youssef el sherif (@ElSherif) June 1, 2018

وعلى فكره الموضوع مش بعصبيه بالعكس في ناس من اللي بتنتقد بتقول كلام منطقي وصح مش غلط.بس العقل دلوقتي بيقول عشان الوقت ضيق لازم نبقى إيجابيين زياده وفي ظهرهم طول الوقت..💪💪💪وان شاء الله (نقدر) في كاس العالم

— Youssef el sherif (@ElSherif) June 1, 2018

وكتب أحمد الشامي:

اي حد هيكسر في المنتخب .... اوصل كاس العالم و بعدين تعالي ارغي ... اهم حاجة اننا نشجعهم و نفضل منفائليين 💪🏻💪🏻💪🏻💪🏻 #كولومبيا

— Ahmed Shamy (@AhmedShamy) June 1, 2018