بالفيديو- تعرف على كلمات أغنية شيرين عبد الوهاب لأحمد زكي

نهال ناصر | فى حياة المشاهير

أحمد زكي

الأربعاء , 30 مايو 2018 - 16:01 | اخر تحديث: الأربعاء , 30 مايو 2018 - 16:01

قدمت المطربة شيرين عبد الوهاب أغنية خاصة لإعلان مستشفى 500 500 المهدى لرواح الفنان الراحل أحمد زكي.

يظهر في الإعلان كثير من النجوم في مبادرة جديدة للتبرع لجناح خاص لعلاج مرضى السرطان.

أبدى الجمهور إعجابه بالأغنية التي لاقت نجاحا، لذا يقدم لك FilFan.com كلماتها.

في حد ساعات بيكون جمبك ومبتشفهوش.. متحسش أبدا بوجوده مع أنه قريب.

وفي حد يفارق ويسيبنا إنما بيعيش جوا قلوبنا.. وتغيب الشمس إنما اسمه عمره ما بيغيب.

في فرق ما بين جسم بيمشي وروح ما بتمشيش.. وإللي أنت أكيد سايبه ما بينا ضد النسيان.

فرحت كتير وأهو جيه دورنا ومعاك هنكمل مشوارنا أصل مفيش في الدنيا دي أغلى من روح إنسان.

وعلشان أجيال بعدنا جايين يفضلوا فاكرين يفضلوا عارفين وعشانك حته منا وعلشان تفضل ما بينا يفضل اسمك معانا سنين وسنين.

وعشان أجيال بعدنا جايين وعلشان مش عايزين نخسر ناس تانيين.. هنمدلهم إيدينا وهندلهم عنينا إحنا اخترنا الطريق ده وفيه ماشيين.

طول عمرك بتحس وجعنا ومن غير ما نقول.. بنعيش الدنيا باحساسك بنشوف بعنيك.

علشان من قلبنا بنحبك هنوصل حنية قلبك للناس إللي منسيوش حبك وتعلقوا بيك.

وعلشان أجيال بعدنا جايين يفضلوا فاكرين يفضلوا عارفين وعشانك حته منا وعلشان تفضل ما بينا يفضل اسمك معانا سنين وسنين.

وعشان أجيال بعدنا جايين وعلشان مش عايزين نخسر ناس تانيين.. هنمدلهم إيدينا وهندلهم عنينا إحنا اخترنا الطريق ده وفيه ماشيين.

اقرأ أيضا:

بالفيديو- جميل راتب يوضح حقيقة استياءه من إعلان مسشتفى "500 500" لأحمد زكي

شاهد - كيف أصبح شكل زينب زوجة أحمد زكي في "البيه البواب" بعد 31 عاما من عرض الفيلم