رغم نفي محمود حجازي.. أسما شريف منير تعلن انفصالهما

مي جودة | فى حياة المشاهير

أسما ومحمود

الأربعاء , 21 مارس 2018 - 00:03 | اخر تحديث: الأربعاء , 21 مارس 2018 - 00:03

عادت أخبار انفصال الممثل محمود حجازي عن خبيرة التجميل أسما شريف منير لتعود من جديد رغم نفيهما لها، ولكن هذه المرة الأمر مختلف!

بعد ساعات من نفي حجازي لانتهاء خطبتهما وتأكيده على أن العلاقة بينهما على ما يرام، خرجت أسما لتنفي ذلك وتؤكد انتهاء العلاقة بالفعل.

كتبت أسما عبر حسابها بموقع Facebook: "طيب الموضوع اتقال فيه كلام كتير و انا بعترف إني سبب اللخبطة دي، الرجالة مبتعملش الحاجات اللي احنا كستات بنعملها، اللي هو أزعل انزل post القح بيه عليه قال يعني مش ليه و كل الرجالة بتكره الحركة دي و انا بس دلوقتي بعترف إنهم عندهم حق، غير بقي اني بنسي موضوع الأخبار ده فا التلقيح او كلام الزعل بالنسبالي بينتشر و كل حد بيقول رأيه بكل قسوة".

وتابعت: "الموضوع فعلا في الاخر اتنين حبوا بعض وارتبطوا قدام الناس كلها ومشينا في مشوار خطوبتنا زي اَي اتنين، كبرنا مع بعض و بِينَا حاجات كتير حلوة و برضه زي اَي اتنين حصل بينهم مشاكل و طبعا إنتوا عرفين التسرع الله يخرب بيته فا لما كان في عدم اتفاق من فتره نزلت post و مسحته علطول عشان كان وقت عصبيه و كان لسه في أمل بس من ساعتها و في توتر".

وأضافت: "الناس قالت كلام كتير وحش وكملنا واكتشفنا انه في عدم اتفاق مش عشان ان حد وحش ولا موقف ولا حاجة لحد ما أخدنا القرار بس مكناش اتفقنا على إعلان ده امتي فا انا نزلت و أعلنت ده بس في توقيت غلط مني بكل صراحة انا لازم أكون امينه في ده".

واستكملت كاتبة: "عموما هو محصلش نصيب بس احنا بنحترم بعض حجازي إنسان محترم جداً و بتمناله السعادة و النجاح احنا بِينَا عشره طيبة و نجاحات و حب و أكيد خير لينا.
هو ده الموضوع بكل بساطة".

واختتمت منشورها بطلب من جمهورها، جاء به: "ممكن بقي منتكلمش فيه تاني لو سمحتوا، انا اتعلمت درس كبير ان الخصوصيات مش للنشر و الحسد برضه مذكور في القران لسبب، الحمد لله
بس كده و شكرا".

يذكر أن أسما نشرت صورا لها منذ أيام أثناء زيارتها لاستديو تصوير مسلسل "أبو العروسة" الذي كان يشارك في بطولته محمود حجازي.

أسما وحجازي أعلنا خطبتهما في أكتوبر 2017.