باسم يوسف يدعو للامتناع عن الأكل تماما لفترات طويلة

مي جودة | فى حياة المشاهير

باسم يوسف

السبت , 17 فبراير 2018 - 19:02

يتبنى الإعلامي الساخر باسم يوسف منذ سنوات النظام الغذائي النباتي، مبتعدا عن تناول أي لحوم أو ألبان وسكريات، ولكن الآن قرر تبني نجربة نظام جديد.

نشر باسم يوسف صورة له وهو عار الصدر ليستعرض عضلاته، نافيا تمام أن بناء العضلات تحتاج للحوم، مشيرا إلى أنه الآن يتبنى الصيام لساعات طويلة تصل لأيام، مكتفيا بالمياه فقط!

وأوضح يوسف كاتبا: "ده رابع يوم ليا علي صيام المياه. يعني اربع ايام من غير اكل تماما و كل ما استهلكه هو االمياه فقط. صيام المياه مش شئ جديد او موضة. ده شئ قديم قدم البشرية.... حضارات و مجتمعات و ديانات من قبل الديانات الابراهيمية اتبعت الصيام مش بس كطقوس روحية و لكن كعلاج. مؤخرا في العقود الاخيرة ابتدى النوع ده من الصيام يخضع لتجارب علمية و اكلينيكية. حاليا في مراكز للصوم في انحاء مختلفة من العالم او كجزء من مستشفيات عريقة زي المستشفى الخيري ببرلين. التجارب في المراكز دي وضحت دور الصيام في علاج الامراض المزمنة، الامراض المناعية و حتى فترة التعافي بعد العلاج من السرطان. مدد الصيام بتتراوح من اسبوعين لتلات اسابيع و بتكون تحت اشراف طبي كامل. انا جربت فترة اقل كاربع ايام كاختبار ليا .كنوع من اختبار علاقتي بالاكل. معظمنا بيقول "انه ميت من الجوع" بعد مجرد كام ساعة من عدم الاك. الحقيقة ده مش جو، دي اعراض انسحاب. اللحوم، الالبان، السكر، الزيوت كل دي ليها اثر ادمان فعلا على المخ و الواحد بيبقى محتاج يلبي طلبات ادمانه من جوعه.على مدى السنتين اللي فاتت كنت يوميا بامارس الصيام المتقطع. يعني اكل اول وجبة الساعة ١٢ الظهر و اخر وجبة الساعة ٨ بالليل. عشان احضر للاربع ايام دول ابتديت اقلل عدد ساعات الاكل ل ستة، اربعة، ساعتين ، ساعة واحدة في اليوم. جسمك بيحرق الجلوكوزو الجليكوجين في دمك و كبدك و عضلاتك لمدة ٢٤ ساعة. بعد كده المخ بيدور على مصدر تاني فيتم حرق الدهون . و لذلك ما تستغربش ان الجسم ممكن يقعد فترات طويلة بدون اكل لان الجسم فيه ما يكفي عشان يحافظ على نفسه. الابحاض اظهرت ان المددة الطويلة للصيام الجسم بستمد طاقته ٩٠٪ من الدهون و ١٠٪ فقط من البروتين في العضلات. و ده يفند الادعاءات القديمة ان الجسم بياكل عضلاته. اللي ساعدني في الموضوع ده هو نظام الغذاء اللي باتبعه اللي هو النظام الخضري او النباتي الخالي من اي منتجات حيوانية حتى الالبان و البيض. النظام النباتي الصحي ده ساعدني كتير جدا في الفترة اللي فاتت اللي عانيت فيها من اصابات متعددة و جراحتين في الركبة. النظام الخضري او النباتي ساعدني اني اتغلب على الاصابات دي. و في نفس الوقت استمريت في الرياضة و التدريب و ده يثبت انك "مش محتاة لحمة عشان تبني عضلات" . حتى في خلال الاربع ايام بتاعة صيام المية استمريت في التدريب في الجيم و رفع الاثقال و اليوجا و الجري الى جانب مهامي اليومية في البيت مع الاسرة او في شغلي. علاقاتنا بالاكل لازم تتغير. لازم نفتح مخنا لعلاقة جديدة مش مبنية على الادمان للدهون و اللحوم و الالبان.
انصح بمشاهدة فيلم The Science of Fasting موجود على امازون او ممكن تنزلوه تورنت".

اقرأ أيضا

بالفيديو- باسم يوسف يشارك ابنه آدم السباحة للمرة الأولى

صورة- باسم يوسف مطمئنا جمهوره على صحته بعد خضوعه لعملية جراحية: ٢٠١٨ جايلك يا واطية