نهى العمروسي مدافعة عن شيرين عبد الوهاب: يا مجتمع أدمن الكدب ويعشق الكدابين

مي جودة | فى حياة المشاهير

شيرين ونهى العمروسي

الخميس , 16 نوفمبر 2017 - 20:56 | اخر تحديث: الخميس , 16 نوفمبر 2017 - 21:11

انضمت الممثلة نهى العمروسي لقائمة الفنانين المدافعين عن المطربة شيرين عبد الوهاب في أزمتها الأخيرة بعد تصريحاتها عن مياه نهر النيل.

وكتبت العمروسي عبر حسابها بموقع Facebook: "طب يا حبايبي مادام الوطنية واكلاكوا أوي و سمعة مصر تهمكوا يبقي بلاش ترموا زبالتكوا في الشارع و كل واحد ينضف الشارع و السطوح بتاعه هو و جيرانه و ماترموش ورق من العربيات و ما تعملوش إإح تحت الكباري و لا في أي زؤر عشان الريحة الحقيرة بتفحفح علي السياح و بطلوا نصب و بطلوا كذب و لَوَع في تعاملاتكوا مع الأجانب بالذات عشان السياحة يا حلوين ياللي بتشجعوا السياحة و حطوا DEoderant عشان ريحة عرقكوا بتطفش السياح برضو ، و بطلوا ترموا زبالتكوا في النيل و حسنوا أخلاقكوا المنحطة و إغسلوا سنانكوا و نضفوا قلوبكوا يا وطنيين بالفطرة ، آه المصريين إللي بيشتغلوا في الدول العربية إللي خللوا سمعتنا بقت في الحضيض من تعاملاتكوا خصوصاً العمال ، ياريت بقي تمحوا تاريخكوا الإسود و سمعتنا إللي ضاعت في الوبا و لما تعملوا كدة بقي ساعتها هاجموا #شيرين عبد الوهاب يا مجتمع أدمن الكدب و بيعشق الكدابين".

يذكر أنه تداول مستخدمو مواقع التواصل الإجتماعي مقطع فيديو لإحدى معجبات شيرين وهي تطلب منها غناء أغنية "ما شريبتش من نيلها" لترد المطربة المصرية مازحة سأصاب بالبلهارسيا في اشارة للمرض الطفيلي الذي تنقله المياه، وقالت لها تناولي مياه ايفيان أفضل وهي ماركة مياه معدنية شهيرة.

وجاء في بيان نقابة المهن الموسيقية أن ما بدر من شيرين خلال الحفل هو سخرية غير مبررة تجاه مصر العزيزة.

وفي وقت لاحق أصدرت شيرين عبد الوهاب بيانا عبر صفحتها على Facebook تعتذر فيه عما بدر منها موضحة أن الحفل وقع منذ أكثر من عام وأضافت" لا أقصد ذلك بالطبع ما قلته لا يعكس مشاعري الشخصية تجاه مصر الحبيبة..أنا آسفة"

اقرأ ايضا

الحلفاوي وصلاح عبد الله يرفضان محاكمة شيرين عبد الوهاب