رفضت عائلة الطفل بيجاد وقف إعلانه الذي يعرض حاليا على قنوات التليفزيون والخاص بالتبرع لمستشى 57357 بعد وفاته، والذي كان ظهر فيه مع الكابتن محمود الخطيب.
جاء ذلك حسبما ذكر الصحفي محمد فتحي ورئيس تحرير برنامج أخر النهار عبر صفحته على موقع التواصل الاجتماعي Facebook
وعن تفاصيل مرض بيجاد كتب: "الطفل بيجاد راح لربنا سبحانه وتعالى، لما دخل المستشفى اتشخص سرطان جلد في المرحلة الرابعة نوع مابيجيش غير للكبار نوع أكل جزء من وشه، سرطان شرس، مابيهزرش المتطوعين في 57357 شافوا نفسه ف ايه فكان حلمه يقابل الخطيب وحصل فرحته وضحكته هي عزاءنا، بس واجعنا ان حد يطلع يقول : بينقوا الحالات اللي بتخف، قبلها ب 3 اسابيع كان فيه فيلم بيتصور عن التمريض ظهر فيه طفل مات اهله كانوا عايزين الmaking بتاعه وهو بيضحك كانوا عارفين انه ف مرحلة صعبة ودخل المستشفى واتقبل، ناس كتير بتدخل وحالتها ميئوس منها بس ماحدش يستجرى يقول ماينفعش او مايدخلش بيدخل وبننتظر معجزة ربنا في الوقت ده فيه مركز للعلاج التلطيفي بيتعمل المريض فيه بياخد قاتل للالم الطب بيقول خلاص، انما ف 57 بيقبلوه عشان منتظرين معجزة ربنا
شفت بعيني اطفال عمرهم اقل من سنتين حالتهم ميئوس منها محطوطين على جهاز تنفس صناعي عايشين بالأجهزة، هل نشيل الاجهزة ؟ طبعا لأ لان ربنا موجود.
الخطيب راح دفن بيجاد وعيلته مبسوطة ان اخر حاجة شافتها ابتسامت، واطفال كتير بيتعالجوا وهما مبسوطين في مكان يستحق الدعم زي اماكن كتيرة، ادعي زي ما انت عايز الناس تتبرع للمكان اللي انت بتثق فيه.. بس ماتقولش لحد ماتتبرعش هنا او هنا ..
ماتفتريش وتقول مابيقبلوش غير اللي بيخفوا بناء على (سماع) او بناء على ناس بتصفي حساباتها او بناء على تبرعات ناس عايزة اكل منها دي مش خناقة دول ولادنا اللي بيتعالجوا لو هتتحمل وزر انك تمنع تبرع هيعالجهم بناء على بوست منك لله".
اقرأ أيضاً
محمود الخطيب يقدم برنامج "بيبو" على DMC في هذا الموعد
بالفيديو- آسر ياسين ساحر وأحمد داود مهرج ومحمد رمضان بطل خارق لإسعاد الأطفال المرضى بالسرطان في إعلان "500 500"
شاهد حملات إعلانية مميزة من مختلف دول العالم.. بعيدا عن إعلانات التبرع المصرية