رسالة هنا شيحة للسيدات: جسمنا مش عيب ومش عورة

نهال ناصر | فى حياة المشاهير

هنا شيحة

السبت , 24 أكتوبر 2026 - 13:58 | اخر تحديث: السبت , 24 أكتوبر 2026 - 13:58

وجهت الفنانة هنا شيحة رسالة للسيدات موضحة رأيها عن بعض المواضيع التي لا يتم الحديث عنها بشفافية واضحة فيما يخص النساء في السينما المصرية.

وقالت هنا شيحة في لقاء مع قناة "النهار" على هامش حفل ختام الدورة التاسعة من مهرجان الجونة السينمائي: "جسمنا مش عيب ومش عورة ومحتاجين يبقى عندنا وعي أكتر بنفسنا وبجسمنا ومش عيب إنك تكلمي بنتك أو ابنك إزاي تحترم الجسد، وإزاي تحترم البنات وتاخد بالك منهم وإزاي البنت يبقى عندها الوعي دا".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابعت هنا شيحة: "في جيل كامل مبنتكلمش بصراحة ومبنقولش الحاجات بأساميها بصراحة ومبنعلمش بناتنا عن جسمهم وبنعلمش بناتنا إزاي يعرفوا يتعاملوا مع الآخرين ولا الولاد ولا البنات مش بس قصدي اتكلم عن البنات بتكلم الأولاد بصفة عامة الجيل الجديد ذكور أو إناث والجيل القديم وإحنا مكانش عندنا برضو".

نرشح لك: دينا الشربيني وإنجي المقدم وهنا شيحة ونجوم الفن في ختام مهرجان الجونة السينمائي

وأكملت هنا شيحة: "يعني أنك تبقى عارف حدودك فين وحدود الآخرين فين وأن أنت تبقى عارف إزاي تتعامل مع نفسك ومع الآخرين وتبقى عارف إيه الصح وايه الغلط في مفاهيم كتيرة جدا غلط ابتدت تتعرف دلوقتي أكتر مثلا أن دا اسمه تحرش زمان مكانش دا بيبقى موجود، أن في حاجة اسمها لازم تبقى موافق في العلاقة الزوجية ولما تحب محدش يغصب عليك، الحاجات دي كلها دلوقتي ابتدى يتسلط الضوء عليها زمان محدش كان بيتكلم فيها".

وأضافت هنا شيحة: "حضرت ندوة بتتكلم عن تمكين البنات الصغيرين وتعليمهم عن جسمهم ويعني إيه دورة شهرية إزاي ميخافوش لأن في ناس لحد دلوقتي مبيعلموش بناتهم وبيبقى في جهل لو أنت مش عارف هتعرف إزاي أو بيبقى في كسوف".

اقرأ أيضا:

هدى الإتربي وسارة عبد الرحمن وجيسيكا حسام الدين من بينهم ... بريق النجوم يضيء حفل ختام مهرجان الجونة السينمائي

حكيم يستقبل عزاء شقيقه ... عماد زيادة وحمادة هلال ومحمود الليثي بين المعزين

عمرو دياب يختتم فعاليات مهرجان الجونة بحفل غنائي

نيللي كريم وأمينة خليل وكارولين عزمي من بينهم ... مهرجان الجونة السينمائي يختتم فعالياته بحضور النجوم

لا يفوتك: في حماة قمر كدة؟! فرحة أم العروسة غادة عادل بخطوبة ابنتها مريم

لا يفوتك: أفلام ناجحة هنشوف لها جزء جديد قريب سهر الليالي وطير انت ومافيا وصعيدي في الجامعة الأمريكية وغبي منه فيه ... حقيقة ولا أمنيات؟؟

أفلام ناجحة هنشوف لها جزء جديد قريب #سهر_الليالي و #طير_انت و #مافيا #صعيدي_في_الجامعة_الأمريكية #غبي_منه_فيه ... حقيقة ولا أمنيات؟؟
ايه الفيلم اللي نفسك تشوف له جزء جديد؟ pic.twitter.com/xGeHGJO22I

— FilFan.com (@FilFan) September 19, 2026

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5