شيرين رضا: مبحبش الأطفال ومبنصرفش على "نور" عشان مصلحتها

FIlFan | فى حياة المشاهير

شيرين رضا تتحدث عن نور ابنتها

الاثنين , 28 سبتمبر 2026 - 13:37

حلت الفنانة شيرين رضا ضيف على برنامج "عندك وقت مع عبلة" على MBC، وتحدثت عن علاقتها بالأطفال وأحلام الطفولة، وسبب تركها ابنتها تعتمد على نفسها ماديا.

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

كشفت شيرين رضا عن عدم حبها للأطفال قائلة: مبحبش الأطفال، في ستات كده نفسها تبقى أم ... أنا مبحبش الأطفال، وعمري ما فكرت وأنا صغيرة إني أكون أم أو ألبس فستان فرح، وفعلا ملبستش فستان فرح.

وردا على سؤال: ليه مبتصرفيش على نور بنتك انت وعمرو دياب، الناس بيقولوا إزاي بنت شيرين رضا وعمرو دياب بتشتغل وتصرف على نفسها قالت: أه ده قرار من الأول، احنا دايما بنتكلم في أي حاجة عن مصلحتها، احنا كأهل بنصرف عليها لحد ما تخلص جامعة والماستر بتاعها وكله، وبعد كده بتنزل تشتغل.

View this post on Instagram

A post shared by MBC.net (@mbcnetinsta)

وواصلت: هتعرف قيمة الحياة إزاى لو كل ما احتاجت حاجة او حبت تشتري حاجة احنا اللي عملناها؟!

وأكملت: لازم تفكر هي هتدفع التزاماتها إزاى، هتدفع فلوس الكهربا والمايه ازاي؟ دي الحاجات اللي بتعلمها الحياة ومسئولياتها، وده مش خيحصل لو معاها كارت من ابوها أو أمها.

وأكدت: لازم البنت من أول ما تخلص داستها تتحمل مسئوليتها، أمال هي راحت تدرس ليه؟ عشان تتعلم ازاى تعيش، افرضي في يوم من الأيام حصل لي أنا وأبوها حاجة، هتعيش ازاى؟

واختتمت حديثها أن: نور كان لازم تتعلم تعتمد على نفسها وتصرف على نفسها، بعد كده بقى نديها اللي عاوزاه، الفلوس دي هتروح لمين، كل حاجة رايحه لهم.

اقرأ أيضا:

#شرطة_الموضة: هيفاء وهبي بإطلالة من الدانتيل الشفاف في عرض Dolce & Gabbana بميلانو … سعر إطلالتها 414 ألف جنيه

حنان يوسف تتحدث لأول مرة عن أسباب انفصالها عن المخرج عصام السيد

عمرو دياب: تطور الموسيقى بقى كل 3 شهور ودا بيديني مسئولية إزاي أطور من نفسي

صور- صابرين تحتفل بعقد قران ابنها نور

لا يفوتك: الفنانة شهيرة عملت إيه في رحلة علاج الإعلامية آيات أباظة؟ اسمع القصة كاملة والاشاعات اللي طاردتها

الفنانة #شهيرة عملت إيه في رحلة علاج الإعلامية #آيات_أباظة ؟ اسمع القصة كاملة والاشاعات اللي طاردتها pic.twitter.com/JubGPc06ti

— FilFan.com (@FilFan) September 8, 2026

لا يفوتك: نهايات جديد لأفلام أيقونية ... إيه اللي هيحصل في نهاية تايتانيك ولالا لاند وإبراهيم الأبيض

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5