محمد فراج يوجه رسالة لأهل ضحية شبرا: آسفين لأننا فكرناكم بالوجع دا

نهال ناصر | فى حياة المشاهير

محمد فراج في دور الشيخ علاء

الاثنين , 7 سبتمبر 2026 - 15:57 | اخر تحديث: الاثنين , 7 سبتمبر 2026 - 17:06

وجه الفنان محمد فراج رسالة لأهل ضحية القصة الحقيقية التي قدمها خلال حكاية "لعبة جهنم" في مسلسل "القصة الكاملة".

وقال محمد فراج خلال لقائه مع ET بالعربي: "بقولهم إحنا آسفين قبل أي حاجة إحنا رجعنا فكرناكم بوجع الوقت دا، دا قضاء ربنا وقدرة وفي الآخر يهمني جدا أن رسالتي تبقى لكل الناس خدوا بالكم من عيالكم".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابع محمد فراج: "مش بمعنى أنكم تخنقوا عليهم لأن دا يؤدي لنتيجة مش كويسة خدوا بالكم بحنية وصراحة ونقدر نقضي أكبر وقت معاهم يبقى فيه من المتعة والانبساط ومن الصراحة والحميمية عشان العلاقة تتبني بشكل سليم ومهما اتحطوا في مواقف هيبقوا واثقين أنهم هيطلعوا منها بشكل سليم، لأن للآسف الشديد بقينا في وقت صعب جدا ومخيف، ربنا يحرس أطفالنا وعائلتنا ولا يوجع قلب أي حد على طفل ليه".

نرشح لك: #شرطة_الموضة: نسرين طافش بفستانين في حفل اختيار ملكة جمال مصر .. بشراشيب وآخر شفاف بورود بارزة

محمد فراج من حكاية "لعبة جهنم"

وعن المسلسل ونجاحه قال محمد فراج: "الحمد لله رب العالمين كرم وفضل من ربنا النجاح اللي بحسه أنا وكل طاقم العمل لأن الموضوع كان تحدي أن ناخد قضية من أشهر وأعنف القضايا اللي حصلت في مصر السنوات الأخيرة ولما تيجي تتحول لعمل فني الجريمة كانت عبارة عن إيه وشرحها وطريقة التعامل بين الضحية والأشخاص التانيين في عوامل ممكن تبقى قاسية على الجمهور في نفس الوقت لأشخاص اللي هما ضحايا في القضية دي الطفل وقعها كان تقيل خصوصا لما تتقدم بصدق وصح أكيد هنفكر الناس بمعاناة نفسية دي حاجة كنا عاملين حسابها لكن إحنا بنوصل رسالة مهمة للناس كلها عشان لو في حاجة حصلت غلط ناخد بالنا".

وكشف كيف بدأ التحضير للعمل قائلا: "تابعت القضية وقت ما حصلت بس مكنتش عارف كل تفاصيلها لما الموضوع اتعرض عليا مأخدتش وقت خالص لأنه كممثل حاجة فيها تحدي ودي حاجة أنا بحبها في شغلي، أنا بحب أتلون ودي مش رغبة سهلة دي حاجة متعبة جدا وصعبة في تحقيقها محتاجة مجهود وفرجة وخيال لما بعمل حاجة بعيدة عني دا بيدي فرحة بعمل حاجة مختلفة، أنا بدرس الشخصية على قد ما هي موجودة في السكريت وببدأ اشوف هطلعها إزاي حركتها ومشيها أنا باخد كلام مكتوب على ورق وبحولها للحم ودم".

View this post on Instagram

A post shared by ET بالعربي (@etbilarabi)

وقدمت حكاية "لعبة جهنم" قضية "الدارك ويب" التي أثارت جدلال كبيرا خلال العامين الماضيين، بعدما قام شاب بقتل طفل صغير بالاتفاق مع طفل آخر لتقطيع جسده وأخذ أعضائه وبيعها وتصوير فيديو للعملية ونشره على "الدارك ويب".

ومسلسل "القصة الكاملة" يتكون من 5 حكايات، كل حكاية 3 حلقات، تعرض حكاية واحدة كل شهر.

وحكاية "لعبة جهنم" بطولة محمد فراج وعمر رزيق والطفل منذر مهران وغادة طلعت وكريمة منصور، ياسر عزت، والعمل من تأليف نجلاء الحديني وإخراج إسلام خيري.