محمد خميس: واخد قرار إني مخلفش الحياة مرهقة وظالمة ومش هجيب شخص عشان يتمرمط

نهال ناصر | فى حياة المشاهير

محمد خميس

الأربعاء , 2 سبتمبر 2026 - 13:37 | اخر تحديث: الأربعاء , 2 سبتمبر 2026 - 13:37

كشف الفنان محمد خميس أنه يرفض فكرة الإنجاب وأخذ القرار منذ سنوات.

وأوضح محمد خميس أنه يرى في الإنجاب شيء من الأنانية لما يعانيه العالم من أوضاع سيئة.

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وقال محمد خميس خلال لقائه في بودكاست "شقة التعاون": "أنا واخد قرار أن أنا مخلفش من زمان هو قرار يبان صادم لبعض الناس بس أنا بصراحة وأنا عارف أن الناس بتزعل مني لما بقول الكلام دا بس أنا ما بجبرش أي حد على وجهة نظري أنا شايف أن الحياة مرهقة جدا وظالمة إلى حد كبير ويعني الظروف اللي بنعيش فيها دي أصعب من أننا نجيب أحب حد لينا في الحياة عشان يعيش في هذه الظروف".

نرشح لك: بحضور أحمد السقا ومي عمر وباسم سمرة وحنان مطاوع وبيومي فؤاد .. الاحتفال ببدء تصوير "هيروشيما"

وتابع محمد خميس: "أنا عايز اعرف دلوقتي إحنا ليه هنخلف أيه الغرض؟ أنا دلوقتي هخلف علشان ايه؟ الناس كلها بتقول لك إيه عشان واحد يشيل اسمك أو تحس بإحساس الأبوة، الطفل اللي هجيبه هيعيش رحلة مرهقة جدا بتفاصيل مرهقة جدا وأنا هكون متدخل فيها بشكل كبير جدا، وهو أحب شخص ليا في الحياة هجيبه عشان يتمرمط هذه المرمطة إيه مبرر ده".

وأضاف: "أنا شايف عندنا ما يكفي من البني آدمين عشان يشيلوا الرايات بتاعة اللي قبلهم، والموضوع ده لا يخلو من شيء من الأنانية قائم على فكرة أن أنا يبقى لي حد يشيل اسمي أو حد يبقى وريث ليا".

وعن رأي زوجته قال محمد خميس: "زوجتي الحمد لله كانت متزوجه قبلي ومعاها أولاد، وأنا كان عندي تجربه سابقة وحصل فيها انفصال عشان عندنا أزمة بتبقى موجوده مع الستات عمرهم ما بيقولوا الكلام في الاتفاق زي ما هم عايزين يعملوا بجد فانت في الأول بتقول والله أنا مش ناوي أخلف، تقول اه تصدق وأنا كمان كنت بدور على حد ما بيخلفش الكلمة بتتقال كده ما هي وبعدين ايه بعد كده أنا عايز أخلف يا ست إحنا مش متفقين أنا غيرت رأيي لا غيرت رأيك إيه إحنا بنشتري جزمة".