أحمد سعد عن مشاركة ابنته في أغنية "كدا كدا": كنت عامل الأغنية ليا لوحدي وهي دخلت عليا

نهال ناصر | فى موسيقى وحفلات

أحمد سعد وجودي

الثلاثاء , 28 يوليو 2026 - 12:34 | اخر تحديث: الثلاثاء , 28 يوليو 2026 - 12:34

كشف الفنان أحمد سعد كواليس مشاركة ابنته جودي في أغنية "كدا كدا" وهي المرة الأولى التي تغني فيها.

وقال أحمد سعد خلال لقاء مع "billboard arabia": "بقالي كتير بمنع الموضوع ورافض إنها تغني تماما هي راحت تدرس في إسبانيا وحبتها جدا جدا لدرجة فجأة لقيتها بتتكلم إسباني وأنا قاعد فخور بيها جدا هي بتحب أوي اللغات تحب تدرس لغات وتتعلم أكتر من لغة".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابع أحمد سعد: "لقيتها بتتكلم إسباني وأنا أصلا كنت عامل الأغنية ليا لوحدي وهي دخلت عليا في الأغنية وانقضت عليا، أنا عملت الأغنية الفترة اللي نفذت فيها ألبوم "حبيبنا" وكنت مخلي كورال إسباني يغني ولكن هي قالتلي أنا عايزة أجرب وغنت".

نرشح لك: أحمد سعد يتألق بلوك شبابي في مهرجان "جرش" بالأردن

View this post on Instagram

A post shared by Billboard Arabia (@billboardarabia)

وكان أحمد سعد نشر ظهر فيه مع ابنته ودار حوار بينهما حول رغبتها في الغناء، تبدأ هي بالحديث حيث تطلب منه أن تغني لكنه يرفض طلبها.

وبعدها تطلب منه أن تغني معه دويتو لكنه يرفض أيضا، ويقول لها أنه يريدها أن تهتم بدراستها وأن تصبح طبيبة، لكنها تخبره أنها ستغني "كدا كدا" فيبدأ أحمد سعد بالتفكير في كلمة "كدا كدا"".

وكان أحمد سعد نشر صورة عبر حساباته على مواقع التواصل الاجتماعي، ظهر خلالها برفقة نجمة تشاركه تسجيل الأغنية، في الوقت الذي كشف فيه عن مفاجأة غير متوقعة، وهي تقديم جزء من العمل باللغة الإسبانية، دون أن يعلن عن هوية الفتاة التي تشاركه الغناء.

على جانب آخر، كان أحمد سعد اعتذر لجمهوره للمرة الثالثة بسبب اللوك الذي ظهر به مؤخرا.

ونشر أحمد سعد فيديو ظهر فيه وهو يقوم بقص شعره وحلاقة لحيته وقال في الفيديو: "جمهوري الحبيب الغالي أنا عايزكم تكونوا معايا في اللحظة اللي جايه دي، أنا خلاص توبت عن أي حاجة غريبة مش هعمل أي حاجة غريبة أي حاجة تزعل جمهوري اللي بحبه وبيقعد يقولي لا أنت ليه عامل كده مش هعملها تاني".

وتابع أحمد سعد: "طبعا هتقولوا ليه هو كل شوية يعمل حاجات ويرجع يعتذر ويرجع يقول سوري، مش مهم أنتوا هتقولوا إيه المهم إن أنا مش هلاقي الجمهور زعلان مني في أي حاجة تاني في حياتي وهعملها".

اقرأ أيضا:

بوسي تخطف الأنطار بفستان يحمل توقيع هاني البحيري في حفلها بالساحل الشمالي

"الجمبسوت اتقطع" … موقف صعب لهيفاء وهبي على المسرح وهذا رد فعلها

حنان مطاوع: علمت بنتي حفظ القرآن من سن 3 سنين ومعندهاش سوشيال ميديا

مصطفى قمر يكشف كواليس "الحب الأول": كريم عبد العزيز رفضه عشان خاف يتكره وصورت يوم على حسابي بسبب منى زكي

لا يفوتك: سبب انسحاب منة فضالي من "عيلة عاملة عمايل" في سوريا

لا يفوتك: عشاق الأكشن ... 5 أفلام أكيد أكيد واحد منهم على الأقل هتشوفه أكتر من مرة ✋

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz>