نادر نور يكشف عن رسالة اعتذار رامي صبري له: جت فيك من غير قصد

نهال ناصر | فى حياة المشاهير

رامي صبري ونادر نور

الأربعاء , 3 يونيو 2026 - 11:06 | اخر تحديث: الأربعاء , 3 يونيو 2026 - 11:06

كشف الملحن نادر نور عن محادثة دارت بينه وبين الفنان رامي صبري، أكد فيها الأخير أنه لم يقصد أي شيء بكلامه الذي أثار الجدل مؤخرا عن بعض الملحنين الذين لا يتعامل معاهم لأنهم لا يقدمون أي جديد.

ونشر نادر نور صورة من المحادثة عبر حسابه على Facebook وكتب تعليقا: "ولا يهمك يا حبيبي وأنا مصدقك".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

رد نادر نور

وقال رامي صبري في رسالته لنادر نور: "صحيت النهاردة لقيت الأستوري بتاعتي ملمسة عليك معرفش إزاي وليه بس ببعتلك أقولك لأنه يهمني تفهم أكيد أكيد كلامي مش عليك ابدا ولا يخصك ابدا أنا بتكلم بشكل عام بس هي شكلها جت فيك من غير قصد".

نرشح لك: مايان السيد: كلمة "عندك كرش" كسرتني ... وشربت خل علشان أخس

رسالة رامي صبري

وكان الملحن نادر نور كشف أن سبب ابتعاده عن الساحة الفنية هو أن المطربين لا يستمعون لأغانيه وقال: "بعتذر لكل الناس اللي بتبعتلي كلمات أغاني، من فضلكم متبعتوش تاني، معنديش مشاريع شغال عليها ولا نجوم بتسمع مني أغاني".

وبعدها خرج رامي صبري ليثير الجدل وكتب عبر خاصية القصص القصيرة في حسابه على Instagram: ""عدم الرد على ملحنين ومؤلفين أو مبدعين بشكل عام، هو عدم التجديد، وإن مافيش أفكار مختلفة".

وتابع رامي صبري: "في ناس مضيقة اني كتبت ستوري إن الملحنين اللي بتبعتلي شغل ما بيعملوش حاجة جديدة ومختلفة ايوة دي حقيقة، يعني أنا أعمل الأغنية وخلاص عشان هي بتتبعتلي".

وأضاف: "أنا بعمل الحاجات اللي شايفها من وجهة نظري مختلفة وجديدة ودا مش المفروض يضايق حد، إحنا المشكلة مش في الملحنين والشعراء كلهم كويسين، لكن إحنا مطربين مش كتير، احنا في السوق المصري حوالي من 7 إلى 10 مطربين بالكتير خالص، والملحنين والشعراء كتير جدا".