محمد دياب عن تصريحاته في "الحكاية": غلطتي ... محمد رمضان لو بيتكلم انجليزي يشتغل في هوليوود

مي جودة | فى حياة المشاهير

محمد رمضان ومحمد دياب في كواليس أسد

الأحد , 24 مايو 2026 - 06:43

أعاد الكاتب والمخرج محمد دياب توضيح تصريحاته التي اثارت الجدل حول تعاونه مع النجم محمد رمضان في فيلم "أسد".

قال محمد دياب: "إنا اللي جاي من Moon Knight والناس بقى مستنياني تشوف هتعمل إيه، فالناس بقى بتقول إيه: (رايح تشتغل مع محمد رمضان، اللي هو مختلف معه)، يعني أنا شخصيا مش بتاع الأفلام اللي دايما تجارية، ومحمد بتاع الحاجات التجارية، ولما أقول على واحد إن عنده طبقات يعني موهبته لسه فيها مساحات، أنا بقول له إنت هتبقى عالمي"، حسب تصريحاته في "السبت الممتاز" مع إياد الموجي.

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابع محمد دياب: محمد رمضان لو اتكلم باللغة الإنجليزية هيشتغل في هوليوود.

واستكمل محمد دياب: لما واحد يقنطع حاجة من سياقها، احنا بقالنا 3 سنين بنتكلم على بعض، 3 سنين بقول على محمد رمضان إنه أحسن واحد وبحبه وموهوب ومعجب بيه، ويجي حد يقتطع الكلام دا، عندنا لما الفيلم ينزل حروب السوشيال ميديا والمنافسين بووم".

وكان محمد دياب صرح في برنامج "الحكاية" مع الإعلامي عمرو أديب تصريحات أثارت الجدل حول تعاونه مع محمد رمضان في فيلم "أسد"، قائلا: "أنا كان عندى تحدى مرعوب منه إن أنا جاى من مون نايت والناس بتقول ورينا هتعمل إيه، وهشتغل مع مين بالنسبالهم مع محمد رمضان اللى هو توليفة التركيبة مش جاية".

يذكر أن فيلم "أسد" تدور أحداثه في مصر في القرن التاسع عشر، ويتناول قصة أسد، العبد الذي يحمل روحاً صلبه متمرد، ويركز هذا العمل الدرامي التاريخي على رحلة أسد بعد أن يُشعِل حبٌ ممنوعٌ بينه وبين امرأة حرة شرارة المواجهة مع أسياده، لكن عندما يُسلب من أسد أثمن ما يملك، يتحول التحدي الصامت إلى ثورة غاضبة، في صراع بطولي لا يضمن النجاة فيه لأحد، معركة أسد لن تحدد مصيره فقط، بل مصير العبودية في البلاد إلى الأبد، ويشارك في بطولة الفيلم محمد رمضان ورزان جمال وعلى قاسم وكامل الباشا، وإسلام مبارك، وإيمان يوسف، وعمرو القاضي، ومصطفي شحاته، بجانب ظهور خاص لكل من ماجد الكدواني وأحمد داش.

يشار إلى أن فيلم "أسد" من إخراج محمد دياب، تأليف شيرين دياب، محمد دياب، وخالد دياب، ووضع الموسيقى التصويرية للفيلم الموسيقار هشام نزيه، ومدير التصوير أحمد البشاري، مونتاج أحمد حافظ، ومصممة الأزياء ريم العدل، تصميم الديكور أحمد فايز، مهندس صوت: أحمد عدنان، منتج فني: ماجد يوسف، وكالويان فودينيشاروف تصميم المعارك والحركة، والمنتج موسى أبو طالب، إنتاج Goodfellas Media Production، Scoop Production، Fillme production، BigTime Fund، وتوزيعAFD بمصر، وEmpire Entertainment في الشرق الأوسط.