محمد دياب يوجه الشكر لهؤلاء: ناس اختارت تاخد نفس الأجر اللي بياخدوه في أفلام بتخلص في شهور وفضلوا يشتغلوا على "أسد" لسنين

مي جودة | فى حياة المشاهير

محمد دياب

الأربعاء , 13 مايو 2026 - 19:03

أعرب المخرج محمد دياب عن سعادته بالإشادات التي حصل عليها فيلم "أسد" بعد أول أيام عرضه، كاشفا عن خطأ ورد في تتر الفيلم بسبب عدم ذكر أسماء أشخاص خلف الكاميرا ساعدوا على خروج الفيلم بهذا المستوى.

كتب محمد دياب عبر حسابه بموقع Facebook: "امبارح كان العرض الخاص لفيلم أسد، وانا بسمع تقدير الناس للمستوي الفني و التقني للفيلم كنت عاوز اقول للناس ان اللي يستحق الشكر هما الناس اللي اشتغلت علي الفيلم بتفاني لمده ٣ سنين. ناس اختارت تاخد نفس الاجر اللي بياخدوه في افلام بتخلص في شهور و فضلوا يشتغلوا علي أسد لسنين بلا كلل او ملل".

وتابع محمد دايب: وسط فرحه اليوم اللي بيبقي كأنه فرح المخرج، فوجئت بأسماء أشخاص اسمهم اتنسي يتكتب علي التتر، الغلطه دي مش مسؤليه المخرج بس اقسم بالله ان جزء كبير من فرحتي راحت عشان الناس دي اصلا مشتركتش في الفيلم غير عشان التقدير، طبعاً اسمائهم هتتكتب في النسخه اللي بتعيش للأبد اللي بتبقي بعد العرض السينمائي بس طبعا ده ميوفيهمش حقهم.

محمد دياب

وأضاف محمد دياب: فالبوست ده اتمني اي حد شاف اسد و حبه يشير البوست عشان محهود الناس اللي تفانت و اجتهدت و من غيرهم الفيلم كان هيبقي مستواه اقل بكتير: علي حجازي: Director’s producer وEditopr on set وA second unit director، علي دراعي اليمين، و ادواره في الفيلم متعدده، مفيش عنصر اشتغلت عليه الا لما كان عيني التانيه و ممكن نقول انه اكتر واحد تعب في الفيلم ده.

واستكمل محمد دايب: نيجي بقي لعنصر الصوت اللي دايما بنشتكي انه عنصر ضعيف في مصر، لكن الحقيقه ان الشغل اللي بيتطلب بيبقي عاوز وقت اضعاف المتاح، فلما الناس بتاخد وقتها و تقرر انها تضحي بشغل تاني عشان تدي الفيلم الوقت المستحق بتطلع النتيجه هايله. أسد شريط الصوت اللي فيه علي مستوي عالمي و ده بسبب: Dialogue edit مونتاج الحوار أحمد عدنان، عادل عبد الحميد، عبدالله سمير، Sound design تصميم شريط الصوت أحمد عدنان، Adr recordist مسجل الدوبلاج عبدالله سمير، الناس دي تستحق اكتر من كده بكتير و اتمني انكوا تقدروهم لأنهم بجد اشتغلوا عشان احرامهم لشغلهم و فنهم. بحبكوا.

يشار إلى أن فيلم "أسد" من إخراج محمد دياب، تأليف شيرين دياب، محمد دياب، وخالد دياب، ووضع الموسيقى التصويرية للفيلم الموسيقار هشام نزيه، ومدير التصوير أحمد البشاري، مونتاج أحمد حافظ، ومصممة الأزياء ريم العدل، تصميم الديكور أحمد فايز، مهندس صوت: أحمد عدنان، منتج فني: ماجد يوسف، وكالويان فودينيشاروف تصميم المعارك والحركة، والمنتج موسى أبو طالب،