القصة الكاملة لأزمة ابنة علي الحجار مع والدها ... طلبت من أصدقائها سبه كاشفة احتياجها للمال

مي جودة | فى حياة المشاهير

علي الحجار وابنته بثينة

الأحد , 19 أبريل 2026 - 05:10 | اخر تحديث: الأحد , 19 أبريل 2026 - 05:12

انتشر عبر مواقع التواصل الاجتماعي فيديو لبثينة ابنة الفنان علي الحجار، أثار الجدل بسبب نأكيدها احتياجها للمال وطلب مساعدته ولكنه رفض.

في البداية جاء الفيديو الأول، الذي أكدت بثينة ووالدتها أنه كان فيديو خاص نشرته مع أصدقائها ولكن هناك من سربه، وظهرت فيه بثينة وهي تؤكد أنها لم تأكل سوى "بقسماط" منذ 3 أيام هي وقططها، وتطلب من مشاهدي الفيديو بالتوجه بشتيمة والدها.

وقالت بثينة في الفيديو: "مش عارفة أنا إزاي عايشة، إحنا عايشين إزاي يا جماعة، أنا مكلتش غير بقسماط من إمبارح أنا والقطط، كل شوية تحصل الفقرة دي"، متسائلة باستنكار وضحكة ساخرة: "هو مش أنا أبويا علي الحجار؟!، ممكن يا جماعة كلنا ندخل نشتمه على الأكونت بتاعه بليز اللي يقدر يعمل كده عنده بوت أكونت أو حاجة خشوا اشتموا فيه عشان خاطري هتاخدوا ثواب والله العظيم أصل ده اختبار".

واختتمت ابنة علي الحجار حديثها قائلة: "هو ربنا بيبعت للناس TEST، أنت معاك فلوس وريني هتعمل بيها إيه؟.. ستات وريني هتعمل إيه بالستات؟، عيال.. هتعمل إيه بالعيال؟!

وبعد انتشار الفيديو، ظهرت بثينة في فيديو جديد عبر حسابها بتطبيق TikTok، وردت فيه على اتهامات منتقديها سواء كانت بأنها مدمنة أو أن عليها البحث عن العمل، وقالت: "أنا كنت على طبيعتي في الفيديو، مش عارفة ليه الناس داخلة تكتب حاجات مفترية، إنتي مدمنة وطريقتك مش عارفة ايه، أنا داخلة بتكلم مع صحابي عادي، بتكلم في الأوضة بتاعتي، الفيديو كان خاص أصلا، اللي أنا قولته كلام أنا حساه للأسف، كان نفسي علاقتتي تبقى كويسة مع عيلتي أو بابايا، بس دا غلطة من عندهم، أنا آسفة جدا على الموضوع دا".

وتابعت بثينة علي الحجار: بس ماتظلموش الناس، بطلوا افتراء يا جماعة، طب لو أنا شكلي مدمنة، طب ما تساعدوا؟ واللي بيقولوا خشي اشتغلي، أنا في فترة دلوقتي مش لاقية شغل، وتعبانة ومريت بحاجات خلتني تعبانة اكتر ومحدش يعرف الصحة بتاعتي عاملة ازاي، ولا هو يعرف أي حاجة، بطلوا تظلموا، وعلى فكرة اللي يقدر يساعد ويجيب لي شغل اتفضلوا، أنا بمثل وبكتب وبترجم، أنا بعرف أشتغل، وبطلوا تظلموا الناس وأتمنى أخد حقي".